| e-texts navigator |
| Wylie |
19b1 ཡི།། སུམ་བརྒྱ་དྲུག་ཅུ་གོལ་སྒྲིབ་མཐའ་ཡས་མེད།། ཀྱེ་སེམས་དཔའ་ཆེན་པོ།། ཇི་ལྟར་སྣང་བའི་ཆོས་རྣམས་ཐམས་ཅད་ཀུན།། རང་གི་སྙིང་པོ་བྱང་ཆུབ་མངོན་བྱུང་གིས།། འདི་མ་ཡིན་གྱི་ཆོས་ནི་གཞན་མ
19b2 བཤད།། འདི་ལ་མ་རྟོག་ཤིག་པར་ང་ལུང་སྟོན།། སེམས་དཔའ་ཁྱོད་ཀྱིས་འཁོར་གྱི་ཚོགས་རྣམས་ལ།། ངས་བསྟན་བཞིན་དུ་ཚོགས་ལ་ལུང་སྟོན་ཅིག། ཅེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས
19b3 གོལ་སྒྲིབ་སྐྱོན་སེལ་གྱི་ལེའུ་སྟེ་དགུ་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་ཉིད་ཀྱི་རང་བཞིན་ཕུན་སུམ་ཚོགས་པ་འདི་གསུངས་སོ།། ཀྱེ་སེམས་དཔའ་ཆེན་པོ་ཉོན་ཅིག། ཀུན་བྱེད་པ
19b4 ལ་ཐམས་ཅད་ཚོགས་པའི་ཕྱིར།། དེ་ཕྱིར་ཕུན་སུམ་ཚོགས་ཞེས་བྱ་བར་བཤད།། ཀུན་བྱེད་ང་ཡི་རང་བཞིན་རྣམ་གསུམ་ལས།། སྟོན་པ་བསྟན་པ་འཁོར་རྣམས་བྱུང་བའི་ཕྱིར།། ཀུན་བྱེད་ཅེས་ནི་དེ་ལ་བཏགས་པ
19b5 ཡིན།། དང་པོར་སྟོན་པ་ཕུན་སུམ་ཚོགས་པ་ནི།། ཀུན་བྱེད་ང་ཡི་རང་འབྱུང་ཡེ་ཤེས་ལས།། རང་བཞིན་རྣམ་པ་གསུམ་དུ་བྱུང་བ་དེ།། སྐུ་གསུམ་སྟོན་པ་གསུམ་དུ་བསྟན་པ་ཡིན།། ཆོས་ཀྱི་སྐུ་དང་ལོངས་སྤྱོད་རྫོགས
19b6 པ་དང་།། སྤྲུལ་པའི་སྐུ་དང་རྣམ་པ་གསུམ་དུ་བསྟན།། སྐུ་གསུམ་དེ་ཡི་རང་བཞིན་བསྟན་པ་ནི།། ཆོས་ཀྱི་སྐུ་ཡི་རང་བཞིན་བསྟན་པ་ནི།། མ་སྐྱེས་གཟུང་འཛིན་བྲལ་བའི་རང་བཞིན་བཞུགས།། ལོངས་སྤྱོད་རྫོགས
iiif viewer powered by OpenSeadragon
