| e-texts navigator |
| Wylie |
19a1 ལ་ཡང་བཟླས།། སངས་རྒྱས་སེམས་ཅན་སྣང་སྲིད་སྣོད་བཅུད་ཀུན།། སྙིང་པོ་བྱང་ཆུབ་པ་ལས་བྱུང་བའི་ཕྱིར།། ཡེ་ནས་གཉིས་སུ་མེད་པར་ལ་ཡང་བཟླས།། རང་འབྱུང་ཡེ་ཤེས་གཏན་ལ་འབེབས
19a2 པའི་ཕྱིར།། ལུང་ཆེན་ཐོག་འབེབས་ཡིན་པར་ལ་ཡང་བཟླས།། ཆོས་རྣམས་ཐམས་ཅད་པ་ལས་མེད་པའི་ཕྱིར།། ཀུན་བྱེད་པ་ནི་ཀུན་གྱི་ལ་བཟླའོ།། ང་མ་ཤེས་པས་སྒྲིབ་པའི་ངོ་བོར་བཤད།། ང་ལས་གཞན་བཙལ
19a3 གོལ་ས་བྱུང་བ་ཡིན།། ལས་དང་ཤེས་བྱ་རྣམ་པ་གཉིས་སུ་བསྟན།། མ་མཐོང་བ་ནི་ལས་ཀྱི་སྒྲིབ་པ་ཡིན།། མ་ཤེས་པ་ནི་ཤེས་བྱའི་སྒྲིབ་པ་ཡིན།། ཇི་ལྟར་སྣང་བའི་ཆོས་རྣམས་ཐམས་ཅད་ཀུན།། སྙིང་པོ་བྱང་ཆུབ
19a4 སེམས་ཀྱི་ངོ་བོ་བས།། མ་རིག་མ་ཤེས་སྒྲིབ་གཉིས་ངོ་བོར་བཤད།། བཙལ་ཞིང་བསྒྲུབ་པ་གོལ་སར་ངས་བཤད་དོ།། ཀྱེ་སེམས་དཔའ་ཆེན་པོ་ཉོན་ཅིག། ཇི་ལྟར་སྣང་བའི་ཆོས་རྣམས་ཐམས་ཅད་ནི།། རང་ཡིན
19a5 གཞན་མིན་དེ་ལ་རང་རྟོག་ན།། དེ་ནི་རང་ལ་རང་གིས་བསྒྲིབས་པ་སྟེ།། རང་གི་རང་བཞིན་དེ་ཡིས་ཤེས་པ་མིན།། ཇི་ལྟར་སྣང་བའི་ཆོས་རྣམས་ཐམས་ཅད་ཀུན།། སེམས་དཔའ་ཉིད་ཡིན་ཉིད་ལས་གཞན་མིན
19a6 གྱིས།། མི་རྟོག་མཉམ་པ་ཉིད་དུ་བདེ་བར་མནོས།། དེ་ལ་བདེ་བའི་དོན་ནི་འདི་ལྟ་སྟེ།། རང་བཞིན་ཆེན་པོ་བཅུ་ལ་རྩོལ་མི་དགོས།། རང་བཞིན་ཆེན་པོ་བཅུ་ལ་མ་བཙལ་བས།། གོལ་ས་སྒྲིབ་པ་དྲུག་དྲུག་བཅུ་པོ
iiif viewer powered by OpenSeadragon
