| e-texts navigator |
| Wylie |
199a1 དུ་ནམ་མཁའ་བདེ་སངས་རྒྱས།། བྱང་ཆུབ་ཤིན་ཏུ་བདེ་ཆེན་ཀློང་།། ཐེག་པ་སྤྱི་གཅོད་འདི་ལ་ནི།། རྩལ་གསུམ་རྫོགས་པའི་གཡང་ས་གཅོད།། བཅོས་ཀྱང་མི་མཉམ་ཡོ་ག་གསུམ།། ཅི་ལྟར་སྤྱད་ཀྱང
199a2 རྒྱུ་ལ་རྩོལ།། ཨ་ཏི་ཡོངས་ལ་རྩོལ་བསྒྲུབ་བྲལ།། རིན་ཆེན་བྱང་ཆུབ་རང་སེམས་སོ།། འོག་མས་ཆོས་སྤྱོད་འབྲས་བུ་རིང་།། སེང་རྫོགས་དོན་ལ་ནེ་ཅོག་ཀྱང་ཙོ་འགལ། མ་བཅོས་འགྱུར་མེད་ཆོས་ཉིད་ཏིག། བྱང་ཆུབ
199a3 དུས་གསུམ་ཨ་ཏི་སྣང་།། འཁོར་བ་དུས་གསུམ་མ་བསྒྲིབས་འདས།། ཡེ་ཤེས་ལྔ་རུ་གསལ་བའི་ཐུགས།། བྱང་ཆུབ་མ་གོལ་ཐེག་ཀུན་ཆོས།། གསུམ་རྒྱུ་རྩོལ་བྲལ་ལུང་ལས་གྲོལ།། ཡོ་ག་རྣམ་གསུམ་བྱིས་རྩེད
199a4 འདྲ།། འགྱུར་མེད་ཨ་ཏིའི་ཉི་མ་དེ།། ཁམས་གསུམ་མུན་སེལ་རང་བྱུང་ཤར།། ལྷུན་གྲུབ་སྙིང་པོ་ཡེ་ནས་གསལ།། དོན་དམ་བཙལ་དུ་ཇི་བཞིན་ཀློང་།། རྣམ་དག་ཀློང་རྟོག་ཆོས་ཀྱི་སྐུ།། ལོངས་སྐུ་ཡེ་ཤེས་སྤྲུལ་པས
199a5 སྤྲུསྦྲུལ།། ཐུགས་རྗེ་མ་གཡོས་རང་བཞིན་མཁས།། བདེ་ཆེན་སྒྲོན་མེས་ཐུགས་རྗེ་རྫོགས།། རྒྱ་མཚོ་དང་མཉམ་པ་རྙོག་པ་མེད་པའི་རྒྱུད་ལས།། ཆོས་ཉིད་འགྱུར་བ་མེད་པའི་ལེའུ་སྟེ་བདུན་པའོ།། །། དེ་ནས
199a6 བཅོམ་ལྡན་འདི་སྐད་གསུངས།། ཨེ་མ་ཧོ་སངས་རྒྱས་ཐམས་ཅད་ཀྱི།། ཆོས་ཀྱི་དབྱིངས་ནི་ཡི་གེ་མེད།། རང་བཞིན་འདི་གསལ་ཡོངས་སུ་དག། ནམ་མཁའི་དབྱིངས་བཞིན་དྲི་མ་མེད།། བདུད་རྩི་དྲི་མེད་བརྒྱད་ལྡན
iiif viewer powered by OpenSeadragon
