| e-texts navigator |
| Wylie |
197b1 བྲལ།། སྟོང་གསལ་དབྱེར་མེད་ཡེ་ཤེས་ཅན།། སྐྱེ་འགག་མེད་པར་རྣམ་པར་དག། ཁྱབ་གད་ལ་གཉིས་མེད་ཡེ་གད་ལ་ཀློང་།། ཀུན་རྫོགས་བླ་མེད་ཐེག་ཀུན་གཙོ།། ས་རྣམས་ཀུན་གྱི་ངོ་བོའོ།། ཁྱབ་གད་ལ་ཡངས་པ
197b2 ནམ་མཁའི་ཀློང་།། རྒྱ་མཚོ་བདེ་ཆེན་ཀུན་རྫོགས་གྲོལ།། ཉི་མ་དུས་གསུམ་དེ་བཞིན་ཉིད།། ནོར་བུ་འོད་འབྱུང་འགྲན་ཟླ་མེད།། སྐྱེ་མེད་རྟོག་མེད་ལྷུན་གྱིས་གྲུབ།། འགྱུར་མེད་རང་གསལ་རྣམ་པར་དག། མཐའ
197b3 བྲལ་རང་གྲོལ་མཚོན་དུ་མེད།། དེ་ཉིད་ཤེས་ཀྱིས་རྟོགས་ན་གྲོལ།། རྒྱལ་སྲས་བཞིན་དུ་རེ་དོགས་མེད།། རྒྱ་མཚོ་དང་མཉམ་པ་རྙོག་པ་མེད་པའི་རྒྱུད་ལས། འབྲས་བུའི་ལེའུ་སྟེ་དྲུག་པའོ།། །། དེ་ནས་བཅོམ
197b4 ལྡན་བཀའ་སྩལ་པ།། ང་ནི་སྐྱེ་མེད་མངོན་སངས་རྒྱས།། གཟུགས་གནས་ཐམས་ཅད་ང་ལས་བྱུང་།། འཇམ་དཔལ་པདྨ་ཡང་དག་རྩི།། ཕུར་བུ་ཡུམ་སྔགས་འཇིག་རྟེན་རྫོགས།། རྨད་བྱུང་ཐེག་ཆེན་སྣ་ཚོགས
197b5 བསྟན།། བདེན་བཞི་ཡང་དག་རྣམ་རིག་དོན།། བདེན་གཉིས་གསུམ་རིག་དེ་ཉིད་བཞི།། སྐུ་ལྔ་ཐིག་ལེ་ཆོས་དབྱིངས་ཤེས།། ལྷུན་གྲུབ་རྨད་བྱུང་ཉིད་སངས་རྒྱས།། ངོ་མཚར་སྐུ་ལྔ་ཡེ་ཤེས་རྫོགས།། གཉིས་མེད
197b6 དབྱིངས་སུ་འབྲས་བུའི་ཀློང་།། མ་བསྐྱེད་དོན་ལ་རྫོགས་པ་བདེ།། དོན་དམ་རང་བཞིན་འགྱུར་བ་མེད།། རྨོངས་པ་སངས་རྒྱས་ཐིག་ལེའི་ཀློང་།། བྱང་ཆུབ་རིག་པ་བདེ་ཆེན་རྫོགས།། འབྱུང་བཞི་སངས་རྒྱས་ཡོངས
iiif viewer powered by OpenSeadragon
