| e-texts navigator |
| Wylie |
194b1 ཀུན་བཟང་ཡེ་ཤེས་འོད།། རྡོ་རྗེ་སེམས་དཔའ་དག་པའི་ཀློང་།། བསྲུང་མཚམས་རིམ་པར་བཀོད་པ་མེད།། ལྟ་བ་བསམ་གཏན་སྤྲོས་དང་བྲལ།། སྤྱད་དུ་མེད་པས་བསྒྲུབ་ཏུ་མེད།། རང་གྲོལ་སྔགས་དང་ཕྱག་རྒྱ
194b2 དག། མཆོད་བཤགས་ཕྲིན་ལས་གདོད་ནས་རྫོགས།། ལམ་ལྔ་ཕ་རོལ་ཕྱིན་བཅུ་རྫོགས།། འགྲོ་བ་མུ་སྟེགས་རིམ་དགུ་རྫོགས།། སྣང་སྲིད་འཁོར་འདས་ཐམས་ཅད་རྫོགས།། དད་དང་རང་བཞིན་བདག
194b3 ཉིད་གསུམ།། དབྱིངས་དང་ཀློང་དང་རྫོགས་ཆེན་ནོ།། གཞི་དང་ལམ་དང་འབྲས་བུ་གསུམ།། མ་སྐྱེས་མ་འགགས་ལྷུན་གྱིས་གྲུབ།། ལྷུན་གྲུབ་མ་ནོར་དག་པའི་རྫོང་།། ཕྱོགས་མེད་རང་གྲོལ་དོང་སྤྲུགས
194b4 དབྱིངས།། གསལ་ཁྱབ་གཉིས་མེད་བདེ་ཆེན་ཀློང་།། སྐུ་གསུམ་ལྷུན་གྲུབ་སྙིང་པོ་ཨ།། རྒྱ་མཚོ་དང་མཉམ་པ་རྙོག་པ་མེད་པའི་རྒྱུད་ལས། ལྟ་བའི་ལེའུ་སྟེ་གསུམ་པའོ།། །། དེ་ནས་བཅོམ་ལྡན་བཀའ་སྩལ
194b5 པ།། གདོད་ནས་གསལ་བས་བྱིང་རྒོད་བྲལ།། བསྒོམ་བྱ་ཆོས་ཉིད་གུད་ན་མེད།། འདི་ནི་དོན་དམ་བདེ་ཆེན་དང་།། མ་བཅོས་མ་ཡེངས་རང་སར་གྲོལ།། དྲན་པ་རང་གྲོལ་དོན་དམ་དབྱིངས།། སོ་མ་ལྷག་པ་གྱི
194b6 ན་ཙམ།། མིང་ཙམ་བསྒོམ་ཞེས་དེ་ལ་བྱ།། དྲན་འཛིན་མ་སྐྱེས་སྤྲོས་བྲལ་དང་།། མཉམ་ཉིད་མཁའ་འདྲ་རྙོག་པ་མེད།། ལྷུན་གྲུབ་རྟོག་པས་བྱ་བཙལ་བྲལ།། དང་པོ་ཞི་གནས་དུས་སུ་ནི།། དྲན་པ་ཤེས་བཞིན་རྩི་ཡིས
iiif viewer powered by OpenSeadragon
