| e-texts navigator |
| Wylie |
194a1 སྩལ་པ།། གདོད་ནས་མ་སྐྱེས་སྒྲོ་སྐུར་བྲལ།། སྤང་འགེག་སྤྱོད་པ་རང་སར་གྲོལ།། བསྒྱུར་དང་སྤྱོད་ལྔ་རྣམ་པར་དག། འདི་ནི་འགྲོ་ཀུན་བྱང་ཆུབ་སེམས།། རྣམ་དག་ནམ་མཁའ་བཞིན་དུ་གསལ།། སྐྱེ
194a2 འགག་ཡོད་མེད་མཐའ་ལས་འདས།། དངོས་བྲལ་རིག་གསལ་ཕྱོགས་མ་ལྷུང་།། སྤང་བླང་བཏང་སྙོམས་མངོན་གྱུར་མེད།། བརྗོད་བྲལ་མ་བཅོས་ལྷུན་གྱིས་གྲུབ།། དོན་དམ་བདེ་ཆེན་མཐའ་ལས་འདས།། དུས
194a3 གསུམ་ཡང་དག་ཨ་ཏི་ནི།། འདུ་འབྲལ་རྟོག་མེད་ལྷུན་གྱིས་གྲུབ།། མི་འགྱུར་བ་ཡི་བལྟ་བ་ལ།། གཡོས་པ་མེད་པའི་རྩི་ཡིས་བཟུང་།། གཡོས་པ་མེད་པའི་ཏིང་འཛིན་ལ།། མ་འགགས་པ་ཡི་རྩི་ཡིས་བཟུང་།། མ
194a4 འགགས་པ་ཡི་སྤྱོད་པ་ལ།། ལྷུན་གྱིས་གྲུབ་པའི་རྩི་ཡིས་བཟུང་།། དོན་གྱི་རྩི་བཞི་གང་གནས་པ།། བལྟ་བའི་དོན་ལ་གནས་པ་ཡིན།། དེས་ན་སྲིད་གསུམ་རྣམ་པར་དག། འབྱུང་བ་དུག་ལྔ་འདོད་ཡོན་ལྔ།། ཐམས
194a5 ཅད་མི་འགྱུར་བལྟ་བར་སངས།། བལྟ་བ་མི་ཟད་ནོར་བུ་བཞིན།། ལྷུན་གྲུབ་ཀུན་རྫོགས་ནམ་མཁའ་ཆེ།། ཐིག་ལེ་བརྗོད་བྲལ་མཚོན་དུ་མེད།། གཉིས་སུ་མེད་པའི་སྙིང་པོ་ཨ།། མ་བཀག་མ་སྤངས་རང་སར
194a6 གྲོལ།། མ་བསལ་མ་བསྒྱུར་རྩོལ་བསྒྲུབ་མེད།། ཡིན་པའི་དོན་ལ་ཡིན་པར་ཤེས།། ཟབ་མོའི་མཛོད་བཞིན་དོན་རྣམས་འབྱུང་།། སྙིང་པོ་ཀུན་ཁྱབ་སུས་རྟོགས་པ།། རྒྱལ་སྲས་བཞིན་དུ་དབུལ་བ་སངས།། མཁའ་ཀློང
iiif viewer powered by OpenSeadragon
