| e-texts navigator |
| Wylie |
192b1 རྩད་ནས་བཅད།། དངོས་མེད་རྟག་པ་རིག་པའི་རྒྱུན།། རླུང་གིས་བསྐྱོད་པས་ཅིར་ཡང་འཆར།། འདི་ཡི་རང་བཞིན་རྟོགས་གྱུར་ན།། ཆོས་ཉིད་རྒྱ་མཚོ་ཉིད་དུ་གྲོལ།། སེམས་དཔའ་རྡོ་རྗེས་ཡང་ཞུས་པ།། ལིང་ཚེ་བཅུ
192b2 གསུམ་རྡོ་རྗེའི་རྩེ།། ཟབ་མོ་བཅུ་གསུམ་རྨད་དུ་བྱུང་།། ལྔ་ཚོམ་ལྔ་ལ་བསྡུས་རྒྱས་ལྔ།། འགྲོ་དྲུག་འཁོར་བའི་གཡང་ས་གཅད།། བཞི་སྐོར་གསུམ་ལ་གཏན་ཚིགས་བཞི།། བདུད་རྩི་ལྟ་བུ་བཞི་དང་སྦྱར།། རྒྱས་པར
192b3 བདག་ལ་བཤད་དུ་གསོལ།། རྒྱ་མཚོ་དང་མཉམ་པ་རྙོག་པ་མེད་པའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་བཅོམ་ལྡན་བཀའ་སྩལ་པ།། སྣ་ཚོགས་ཆ་ཤས་དེ་བཞིན་བཟང་།། ཟིན་པས་ལྷུན་གྱིས
192b4 བཞག་པ་ཡིན།། ཆོས་དང་སེམས་ནི་བསྟན་དུ་མེད།། ཆོས་དང་སེམས་ནི་མི་བསྒོམ་མོ།། རྣམ་པར་རྟོག་པ་ཆོས་ཀྱི་དབྱིངས།། དེ་ལ་དེ་ལྟར་ཉིད་ལས་སུ།། ཐུགས་རྗེ་སེམས་ཅན་བསྒོམ་དོན་ནི།། བྱང་ཆུབ་རྟོག་པའི
192b5 རྣམ་དག་ཡིན།། ཕྱི་ནང་རྣམ་དག་སངས་རྒྱས་ལམ།། བསྒྲུབ་མེད་བྱར་མེད་ཆོས་དབྱིངས་ལ།། ལོག་རྟོག་གཉིས་མེད་འཁྲུལ་པ་ཡང་།། གོང་བསྟན་མཉམ་པར་ཤེས་པས་རྗེ།། ང་བདག་བྱིས་པའི་རྣམ་རྟོག
192b6 གིས།། ཆོས་ཉིད་མ་གྱུར་རྟོག་པས་ཟིན།། དེ་བས་སློབ་དཔོན་མཁས་པ་བླ།། མི་གནས་སྤྲོས་མེད་བདེ་ཆེན་འབྱུང་།། ཟིན་པས་བདུད་རྩི་བཟང་པོ་ཡིན།། ཆེ་ཆུང་གསུངས་པ་འབྱུང་འགྱུར་གནས།། འདོད་པས་བྲོད
iiif viewer powered by OpenSeadragon
