| e-texts navigator |
| Wylie |
18b1 འབྱུང་ཡེ་ཤེས་སྒྲིབ་པ་མེད་པའི་ཕྱིར།། རིག་པའི་ཡེ་ཤེས་གསལ་བར་བསྐྱེད་དུ་མེད།། ཐམས་ཅད་ང་ཡི་ས་རུ་གནས་པའི་ཕྱིར།། སྦྱངས་ནས་བགྲོད་པའི་ས་ནི་ཡོད་མ་ཡིན།། ང་ཡིས་ཀུན་ལ་ཁྱབ་པར་གནས་པའི
18b2 ཕྱིར།། ང་ལ་བགྲོད་པར་བྱ་བའི་ལམ་ཡོད་མིན།། ང་ནི་ཡེ་ནས་གཟུང་འཛིན་བྲལ་བའི་ཕྱིར།། ཕྲ་བ་ཞེས་ནི་མིང་དུ་གདགས་སུ་མེད།། ང་ཡི་གཟུགས་ཀྱིས་ཀུན་ལ་ཁྱབ་པའི་ཕྱིར།། གཉིས་ཞེས་བྱ་བ་ཡེ་ནས་ཡོད་མ
18b3 ཡིན།། ང་ནི་ཡེ་ནས་རང་འབྱུང་ཡེ་ཤེས་ལ།། ང་ལ་གཞན་གྱིས་གཏན་ལ་དབབ་ཏུ་མེད།། ང་ནི་ཀུན་གྱི་བྱང་ཆུབ་སྙིང་པོ་བས།། གསང་བའི་མན་ངག་གཞན་ན་ཡོད་མ་ཡིན།། སྒོ་དང་སྐུར་བ་ཀུན་ལས་འདས་པའི
18b4 ཕྱིར།། ཆོས་རྣམས་ཀུན་གྱི་ལ་ནི་ང་ཡིས་བཟླས།། ང་མེད་པ་ཡི་ཡུལ་ནི་གཞན་མེད་པས།། ལྟ་བ་བསྒོམ་དུ་མེད་པར་ལ་ཡང་བཟླས།། ང་ལས་གཞན་དུ་བསྲུང་དུ་མེད་པའི་ཕྱིར།། དམ་ཚིག་བསྲུང་དུ་མེད་པར་ལ་ཡང
18b5 བཟླས།། ང་ལས་གཞན་དུ་བཙལ་དུ་མེད་པའི་ཕྱིར།། ཕྲིན་ལས་བཙལ་དུ་མེད་པར་ལ་ཡང་བཟླས།། ང་ལས་གཞན་དུ་གནས་པ་མེད་པའི་ཕྱིར།། ས་ལ་སྦྱང་དུ་མེད་པར་ལ་ཡང་བཟླས།། ང་ལ་སྒྲིབ་པ་ཡེ་ནས་མེད
18b6 པའི་ཕྱིར།། རང་འབྱུང་ཡེ་ཤེས་ཡིན་པར་ལ་ཡང་བཟླས།། ང་ནི་མ་སྐྱེས་ཆོས་ཉིད་ཡིན་པའི་ཕྱིར།། ཕྲ་བ་ཆོས་ཉིད་ཡིན་པར་ལ་ཡང་བཟླས།། ང་ལས་གཞན་དུ་བགྲོད་དུ་མེད་པའི་ཕྱིར།། ལམ་ལ་བགྲོད་དུ་མེད་པར
iiif viewer powered by OpenSeadragon
