| e-texts navigator |
| Wylie |
189b1 མ་ཡིན་ནོ།། ཅི་སྟེ་བྱ་བཙལ་བྲལ་བའི་ཕྱིར།། སྐྱེས་པ་སྐྱེ་མེད་བློ་ལས་འདས།། སྒྲ་དང་ཚིག་གི་མཐའ་ལས་གྲོལ།། སྟོང་པ་ཡེ་ཤེས་སྙིང་པོར་ཤར།། ནམ་མཁའ་དང་མཉམ་པ་ཡི་གེ་མེད་པའི་རྒྱུད་ལས། དེ་ཁོ་ན་ཉིད
189b2 ཀྱི་ལེའུ་སྟེ་དགུ་པའོ།། །། དེ་ནས་བཅོམ་ལྡན་བཀའ་སྩལ་པ།། ཐམས་ཅད་བྱང་ཆུབ་སེམས་ཡིན་ཏེ།། འཛིན་པའི་ཤེས་པ་ཡོད་པའི་ཕྱིར།། ཚོར་བ་ཉམས་སུ་མྱོང་བའོ།། སྣང་བ་སེམས་ཉིད་རྒྱན་ཤར
189b3 བས།། སྣང་བའི་བར་དོ་སྟོང་རྒྱ་ཐེབ།། བསམ་གཏན་གཉིད་གཉིས་རོ་མཉམ་ཕྱིར།། རྨི་ལམ་པར་དོ་རྣམ་པར་དག། སྐྱེ་ཤི་མེད་པའི་དོན་རྟོགས་པས།། འཆི་ཀ་བར་དོ་བདེ་ཆེན་ཀློང་།། ཕྱི་མ་བདེ་བ་མཆོག་ཐོབ
189b4 པས།། སྲིད་པའི་བར་དོར་ལུས་མི་ལེན།། ལུས་མེད་ལུས་ཏེ་ལུས་ཀྱི་མཆོག། སྤྲུལ་པའི་སྐུ་སྟེ་རྣམ་པར་དག། མ་རྟོགས་མོས་པའི་རྣལ་འབྱོར་ཀྱང་།། ཅི་སྟེ་ལས་ཀྱི་དབང་གྱུར་ན།། བདེ་བ་མཆོག་གི་ལས་འཕྲོ
189b5 མཐུད།། ལས་ལས་གྲོལ་ན་ཐར་པའི་མཆོག། ཇི་ཙམ་པ་ཡི་ཚིག་བརྗོད་ཀྱང་།། སེམས་ལས་གུད་ན་ཡོད་མ་ཡིན།། ཕོ་མོ་མ་ཡིན་མ་ནིང་མིན།། ཁ་དོག་དབྱིབས་དང་མཚན་མ་མེད།། འདས་དང་མ་འོངས་ད་ལྟར
189b6 མེད།། གཅིག་དང་ཐ་དད་ལས་གྲོལ་བ།། དྲན་པ་དངོས་མེད་རིག་པའི་རྒྱུན།། རླུང་ལས་བརྟེན་ཅིང་རྒྱུན་མི་ཆད།། ནམ་མཁའ་དང་མཉམ་པ་ཡི་གེ་མེད་པའི་རྒྱུད་ལས། བྱང་ཆུབ་སེམས་ཀྱི་ལེའུ་སྟེ་བཅུ
iiif viewer powered by OpenSeadragon
