| e-texts navigator |
| Wylie |
189a1 བྱིང་།། རྒོད་ན་ཡེ་ཤེས་རོལ་པར་རྒོད།། མཉམ་ན་མི་མཉམ་མཉམ་ཉིད་ཀློང་།། ཐིམ་ན་འཁྲུལ་སྣང་ཆོས་ཉིད་ཐིམ།། སྐྱེ་མེད་དོན་ཏེ་ཡི་གེ་གཅིག། བྱ་བྲལ་མཁའ་ལྟར་ཡི་གེ་མེད།། ཡི་གེ་མེད་པ་རྒྱུད
189a2 ཀུན་མཆོག། ཨེ་མ་རྣམ་དག་བྱ་བཙལ་བྲལ།། བྱ་བྲལ་དང་ལས་རྣམ་པར་རོལ།། ཅི་སྤྱོད་དོན་ལས་མ་གཡོས་ཤིང་།། ཐུག་ཕྲད་རང་གྲོལ་རྩིས་ཟིན་ན།། མིང་ཙམ་སྤྱོད་ཅེས་དེ་ལ་བྱ།། ནམ་མཁའ་དང་མཉམ་པ་ཡི
189a3 གེ་མེད་པའི་རྒྱུད་ལས། རྣམ་རྟོག་ཡེ་ཤེས་སུ་འབར་བའི་ལེའུ་སྟེ་བརྒྱད་པའོ།། །། དེ་ནས་བཅོམ་ལྡན་བཀའ་སྩལ་པ།། གདོད་ནས་མ་སྐྱེས་དོན་གྱི་ས།། ཐོབ་བསྒྲུབ་ཀུན་གྱི་ཡུལ་ལས་འདས།། རེ་དོག་བློ་ལས
189a4 རྣམ་པར་གྲོལ།། གོ་བའི་ཡུལ་ནི་བདེ་བ་ཆེ།། ངང་དངས་རང་བཞིན་བདག་ཉིད་ཀློང་།། རང་བཞིན་རྣམ་པར་དག་པ་ལ།། རོལ་པ་འགག་པ་མེད་པར་ཤར།། མཚན་ཉིད་དབྱེར་མེད་ཆེན་པོ་ལ།། བློ་རྟོག་ཆོས་ཉིད
189a5 དབྱིངས་སུ་གྲོལ།། རྟོག་མེད་མཉམ་ཉིད་ཆོས་ཀྱི་སྐུ།། བདེ་བ་ཆེན་པོ་ལོངས་སྤྱོད་སྐུ།། རྩལ་དུ་ཤར་བ་སྤྲུལ་པའི་སྐུ།། འདུ་འབྲལ་མེད་པ་རྡོ་རྗེའི་སྐུ།། ཚིག་གི་ཐ་སྙད་མ་ལགས་སམ།། གདོད་ནས་སྙིང་པོ་བྱང་ཆུབ
189a6 ལ།། བཙལ་བའི་བསམ་པས་དབྱིངས་མི་བསྐྱོད།། སྐུ་དང་ཡེ་ཤེས་ཚིག་ལས་གྲོལ།། གྲོལ་ནས་གྲོལ་བའི་ལམ་ཡང་སྟོན།། སྙིང་པོ་ཀློང་ནས་གྲོལ་བ་ལ།། མངོན་སུམ་རྗེས་དཔག་ལོག་པར་རྟོག། རྟོག་གེའི་སྤྱོད་ཡུལ
iiif viewer powered by OpenSeadragon
