| e-texts navigator |
| Wylie |
188b1 མ་འགགས་ལ།། འཛིན་རིག་ཡུལ་ལས་རྣམ་པར་གྲོལ།། མ་བྱུང་མ་སྐྱེས་གཡོས་པ་མེད།། སྤྲོས་བྲལ་བསམ་འདས་བརྗོད་མེད་རྫོང་།། མཉམ་ཉིད་རྣམ་དག་བརྡལ་བའི་ཀློང་།། མཁའ་འདྲ་ཡེ་ཤེས་ལྷུན་གྱིས
188b2 གྲུབ།། མ་བཙལ་རང་བཞག་རྙོག་པ་མེད།། ལྷུན་གྲུབ་རྟོག་པས་བྱ་བཙལ་བྲལ།། ཡེ་ནས་རང་བྱུང་ཡེ་ཤེས་ལ།། འཁྲུལ་དང་མ་འཁྲུལ་རྟོག་ལས་འདས།། རྟོག་འདས་དོན་གྱི་ཡེ་ཤེས་ལ།། བསྒོམ་བྱ་ཆོས་ཉིད་གུད་ན
188b3 མེད།། བསྒོམ་པ་མིང་དུ་བཏགས་པས་ནོར།། ཅི་སྟེ་སྨྲ་བསམ་བརྗོད་ལས་འདས།། རྣམ་རྟོག་གཉེན་པོར་མི་རྟོག་བསྒོམ།། དེ་ཀ་རྟོག་པ་ཆེན་པོ་ཡིན།། མཐོང་ཚོར་དེ་ཉིད་ཀློང་དུ་ཤར།། ཡིད་ལ་མི་བྱེད་བདེ་བ
188b4 ཆེཚེཆེ།། ནམ་མཁའ་དང་མཉམ་པ་ཡི་གེ་མེད་པའི་རྒྱུད་ལས། བདེ་ཆེན་གསལ་བའི་ལེའུ་སྟེ་བདུན་པའོ།། །། དེ་ནས་བཅོམ་ལྡན་བཀའ་སྩལ་པ།། བླང་དོར་མེད་པའི་ཡེ་ཤེས་ནི།། སྐྱེ་མེད་འགག་མེད་ཆོས་ཉིད
188b5 ཀློང་།། བྱ་བྲལ་ལྷུན་རྫོགས་བློ་ལས་འདས།། ཨེ་མ་རང་ལ་གནས་བཞིན་དུ།། སྤྱད་པས་ཐོབ་འདོད་ཨེ་མ་འཁྲུལ།། སྤྱོད་བྱེད་བྲལ་བའི་ཡེ་ཤེས་ལ།། སངས་རྒྱས་སེམས་ཅན་གཉིས་མེད་དེ།། ལམ་གྱིས་བཅོས་སུ་ག
188b6 ལ་ཡོད།། ཅི་ཕྱིར་དགག་བསྒྲུབ་མེད་པ་ལ།། རྩལ་སྤུག་སྨོན་ཆགས་རེ་དོགས་མེད།། ངོ་མཚར་རྨད་བྱུང་རོལ་པ་འདི།། རྟག་ན་བདེ་བ་ཆེན་པོར་རྟག། ཆད་ན་འཁོར་བ་རྩད་ནས་ཆད།། བྱིང་ན་ཆོས་ཉིད་དབྱིངས་སུ
iiif viewer powered by OpenSeadragon
