| e-texts navigator |
| Wylie |
188a1 ལ།། སྤང་འགེགས་བྱིན་པས་བསླད་པ་མེད།། དབྱེར་མེད་ཡེ་ཤེས་ལྔ་ལྡན་ལ།། སྦྱང་བགྲོད་གཉིས་བལྟ་རང་སྔར་གྲོལ།། སྐྱེ་འགག་གཉིས་སུ་མེད་པ་ལ།། བསྐུར་དང་སྤྱོད་ལྔ་རྣམ་པར་དག། དག
188a2 པའི་ཀློང་ན་བསྲུང་མཚམས་མེད།། མཉམ་པས་རིམ་པར་བཀོད་པ་མེད།། རྟོགས་པས་བལྟ་བའི་ཡུལ་ལས་འདས།། གསལ་བས་བསམ་གཏན་སྤྲོས་དང་བྲལ།། ཡུལ་ལས་འདས་པས་སྤྱོད་དུ་མེད།། ལྷུན་གྱིས་གྲུབ
188a3 པས་རྩོལ་བསྒྲུབ་མེད།། མ་ཡེངས་དྲན་པས་སྤྲོས་དང་བྲལ།། སྔགས་དང་ཕྱག་རྒྱ་རྣམ་པར་དག། སྟོང་ཉིད་ངང་ལ་མཆོད་བཤགས་མེད།། འཁོར་འདས་ཁྱབ་གདལ་ཆེན་པོ་ལ།། ཕྲིན་ལས་རྣམ་བཞི་གདོད་ནས
188a4 རྫོགས།། འགྲོ་བ་མུ་སྟེགས་རིམ་དགུ་རྫོགས།། ལམ་ལྔ་ཕ་རོལ་ཕྱིན་བཅུ་རྫོགས།། འཁོར་འདས་བྱང་ཆུབ་སེམས་སུ་རྫོགས།། སྣང་སྲིད་ཐིག་ལེ་གཅིག་ཏུ་རྫོགས།། དྲན་པ་གཞི་བཞེངས་ཡོངས་སུ་རྫོགས།། རྒྱ་ཆད
188a5 ཕྱོགས་ལྷུང་མེད་པའོ།། ནམ་མཁའ་དང་མཉམ་པ་ཡི་གེ་མེད་པའི་རྒྱུད་ལས། ནམ་མཁའ་མཛོད་ཀྱི་ལེའུ་སྟེ་དྲུག་པའོ།། །། དེ་ནས་བཅོམ་ལྡན་བཀའ་སྩལ་པ།། རང་རིག་བདེ་བ་ཆེན་པོ་ལ།། བསྒོམ་ཡོད་བསྒོམ
188a6 མེད་གཉིས་སུ་མེད།། ཚིག་ཙམ་དོན་དམ་བདེ་ཆེན་དང་།། མ་བཅོས་མ་ཡངས་རང་སར་གྲོལ།། དྲན་པ་རང་གྲོལ་བདེ་ཆེན་ཀློང་།། སོ་མ་ལྷུག་པ་གྱིན་འདའ་ཙམ།། མིག་ཙམ་བསྒོམ་ཞེས་དེ་ལ་བྱ།། དྲན་རིག་ཤེས་པ
iiif viewer powered by OpenSeadragon
