| e-texts navigator |
| Wylie |
187b1 པའི་རྒྱུད་ལས། འཁྲུལ་ཚུལ་གནད་ཀྱི་ལེའུ་སྟེ་བཞི་པའོ།། །། དེ་ནས་བཅོམ་ལྡན་བཀའ་སྩལ་པ།། ཆོས་ཉིད་རྣམ་པར་དག་པ་ལ།། མ་རིག་འཁྲུལ་པའི་གྲིབ་མས་བསྒྲིབས།། བསྒྲིབས་ཀྱང་ཆོས་ཉིད་སྤྲོས་དང
187b2 བྲལ།། ཁྱབ་གད་ལ་དོན་འདི་སུས་རྟོགས་པ།། རྒྱལ་སྲས་བཞིན་དུ་དབུལ་བ་སངས།། འདུ་འབྲལ་གཉིས་མེད་ཀུན་ཏུ་བཟང་།། མཚན་མ་མ་སྤངས་རང་སར་གྲོལ།། འཁོར་བ་མ་བཀག་གནས་སུ་དག། འཁྲུལ་པ་མ
187b3 བསལ་རྩད་ནས་ཆོད།། དུག་ལྔ་མ་བསྒྱུར་ཆོས་ཉིད་ཀློང་།། རྩོལ་བསྒྲུབ་མེད་པར་ཡེ་སངས་རྒྱས།། ཡིན་པའི་དོན་ལ་ཡིན་པར་ཤེས།། དཔེར་ན་གསེར་ལ་གསེར་མཐོང་བཞིན།། ཡིད་ཀྱི་རྣམ་རྟོག་ཟད་པའོ།། ནམ
187b4 མཁའ་ཆེན་པོའི་ཀློང་ཆེན་བཞིན།། ཁྱབ་གད་ལ་མི་འགྱུར་ཀུན་རྫོགས་གྲོལ།། ཉི་མ་སྦྱིན་མེད་སྙིང་པོ་བཞིན།། དུས་གསུམ་སྒྲིབ་མེད་དེ་བཞིན་ཉིད།། བརྒྱ་བྱིན་གཙུག་གི་ནོར་བུ་བཞིན།། འདོད་དགུ་འབྱུང་ལ་འགྲན
187b5 ཟླ་མེད།། མ་གི་ཏ་ཡི་སྨན་བཞིན་དུ།། གང་ལ་རེག་པ་སྨན་དུ་འགྱུར།། དགྲ་བཅོམ་རྒྱལ་སྲས་མི་ལུས་མཆོག། རྟོགས་ན་ཁྱད་པར་ཡོད་པའོ།། རྟོགས་པའི་ཐབས་སུ་ཐམས་ཅད་ཤར།། ནམ་མཁའ་དང་མཉམ་པ་ཡི
187b6 གེ་མེད་པའི་རྒྱུད་ལས། རྟོགས་ལྡན་མཆོག་གི་ལེའུ་སྟེ་ལྔ་པའོ།། །། དེ་ནས་བཅོམ་ལྡན་བཀའ་སྩལ་པ།། ཆོས་ཉིད་རང་བཞིན་འོད་གསལ་བ།། སྒྲོ་སྐུར་ལྟ་བ་ཀུན་དང་བྲལ།། ཐམས་ཅད་གཅིག་གི་རང་བཞིན
iiif viewer powered by OpenSeadragon
