| e-texts navigator |
| Wylie |
187a1 པར་དག། ཨེ་མ་རང་ལ་གནས་བཞིན་དུ།། གཞན་ནས་ཐོབ་འདོད་ནོར་བའི་ལམ།། རྟོགས་པར་གྱུར་ན་དེ་བཞིན་ཉིད།། མ་རྟོགས་མུན་པའི་མཚོ་ལ་སྤྱོད།། ནམ་མཁའ་དང་མཉམ་པ་ཡི་གེ་མེད་པའི
187a2 རྒྱུད་ལས། ཀུན་ཁྱབ་ཡངས་པའི་ལེའུ་སྟེ་གསུམ་པའོ།། །། དེ་ནས་བཅོམ་ལྡན་བཀའ་སྩལ་པ།། འཁོར་བ་ཐོག་མཐའ་མེད་པ་ནས།། ལྷན་ཅིག་སྐྱེས་པའི་མ་རིག་པས།། ཀུན་ནས་སློང་བའི་ས་བོན་བྱས།། ལས
187a3 དང་ཉོན་མོངས་རྐྱེན་བྱས་ནས།། ཀུན་བརྟགས་མ་རིག་པ་ཡིས་འཁོར།། གྲིབ་མ་གཟུགས་ཀྱི་དཔེ་བཞིན་ནོ།། སྐྱོད་བྱེད་ལས་ཀྱི་རླུང་གིས་བརླབས།། ཞེ་སྡང་དམྱལ་བའི་ཚ་གྲང་འཁོར།། སེར་སྣ་བཀྲེས་སྐོམ་ཡི
187a4 དགས་འཁོར།། གཏི་མུག་གླེན་ལྐུགས་བྱོལ་སོང་འཁོར།། ཕྲག་དོག་འགྱུར་བ་མི་རུ་འཁོར།། ང་རྒྱལ་འཐབ་རྩོད་ལྷ་མིན་འཁོར།། འདོད་ཆགས་ལྟུང་བ་ལྷ་རུ་འཁོར།། འཁོར་བ་ཟོ་ཆུའི་ཁྱུད་མོ་འདྲ།། ལྷ་མི་གཙང
187a5 མའི་ལུས་ཐོབ་ཀྱང་།། མ་རྟོགས་བར་དུ་འཁོར་བར་འཁྱམས།། ཐོག་མཐའ་མེད་ཀྱང་རྟོགས་ན་ཡོད།། ཨེ་མ་ཀུན་བཟང་བདེ་བ་ཆེ།། གཞི་དང་འཁྲུལ་པ་གང་ལས་བྱུང་།། གཅིག་པ་ཡིན་ནམ་ཐ་དད་ཡིན།། སངས
187a6 རྒྱས་སེམས་ཅན་གང་སྔ་ལགས།། ཀུན་རིག་རྒྱལ་པོས་བཀའ་སྩལ་པ།། རྐྱེན་སྣང་ག་པུར་སྨན་དུག་ཚུལ།། གསེར་གྱི་ཉ་མོ་བག་ལ་ཉལ།། ནམ་མཁའ་སྤྲིན་གྱི་དཔེ་ཡིས་མཚོན།། ནམ་མཁའ་དང་མཉམ་པ་ཡི་གེ་མེད
iiif viewer powered by OpenSeadragon
