| e-texts navigator |
| Wylie |
186b1 ཆོས།། སྤྲོས་མེད་བྱང་ཆུབ་སྙིང་པོའི་རྫོང་།། བསམ་འདས་བརྗོད་མེད་རང་སར་གྲོལ།། མི་འགྱུར་མཉམ་ཉིད་དཔེ་དང་བྲལ།། དཔེ་བྲལ་ཡེ་ཤེས་མཚོན་དུ་མེད།། གཉིས་མེད་རྫོགས་པས་མཐའ་བྲལ་རྫོང་།། མི་སྐྱེ
186b2 མི་འགག་ཅིར་མི་དགོངས།། འགག་མེད་ཨཱ་ལི་ཀ་ལིར་རོལ།། དགག་བསྒྲུབ་མེད་པའི་ཡེ་ཤེས་ནི།། རྒྱུ་ཡིས་མ་བསྐྱེད་རྐྱེན་དང་བྲལ།། སྟོང་གསལ་དབྱེར་མེད་ཡེ་ཤེས་ཅན།། ནམ་མཁའ་དང་མཉམ་པ་ཡི་གེ་མེད
186b3 པའི་རྒྱུད་ལས། སྐྱེ་མེད་རྣམ་པར་དག་པའི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་བཀའ་སྩལ་པ།། རྣམ་པར་མི་རྟོག་སྙིང་པོ་འདི།། ཡོངས་ཀྱི་རྒྱུད་ལ་སྦས་པ་མེད།། དོན་དམ་ཆོས་ཉིད་སྙིང་པོ་འདི།། ཀུན
186b4 ལ་ཏིལ་མར་བཞིན་དུ་ཁྱབ།། ཟ་མ་ཏོག་གི་ནོར་བུ་བཞིན།། ལྷུན་གྱིས་གྲུབ་ཅིང་ཚང་བའོ།། མི་འགྱུར་ཀུན་རྫོགས་ནམ་མཁའ་ཆེ།། ཁྱབ་གད་ལ་འུབ་ཆུབ་ཐིག་ལེ་གཅིག། བརྗོད་བྲལ་རང་གྲོལ་གནས་སུ་དག། རྒྱལ
186b5 བ་རྣམས་ཀྱི་ཐུགས་དང་ནི།། སེམས་ཅན་རྣམས་ཀྱི་རྒྱུད་ལ་ཡང་།། སྙིང་པོ་ཡེ་ཤེས་ཡོངས་ལ་ཁྱབ།། མ་ལུས་ཡེ་ཤེས་ཆེན་པོར་གནས།། ཡེ་ཤེས་ཆེན་པོར་གང་འདོད་པ།། རང་གི་སེམས་ལ་བཙལ་བར
186b6 བགྱི།། སེམས་ཀྱི་ཆོས་ཉིད་སྐྱེ་བ་མེད།། ཆོས་ཅན་ཐམས་ཅད་ངོ་བོས་སྟོང་།། མ་རྟོགས་བར་དུ་ཤེས་མི་འགྱུར།། ཡང་དག་བདེན་པའི་སྙིང་པོ་འདི།། རྟོགས་ལྡན་འགའ་ཡི་སྤྱོད་ཡུལ་མིན།། སེམས་ཉིད་ཡེ་ནས་རྣམ
iiif viewer powered by OpenSeadragon
