| e-texts navigator |
| Wylie |
186a1 མེད།། ཨེ་མ་ཀུན་བཟང་བཅོམ་ལྡན་ཆེ།། སྐྱེ་བ་མེད་པའི་ཆོས་ཉིད་ལ།། སྐྱེ་བའི་ཆོ་འཕྲུལ་ཅི་སྟེ་འོང་།། ཀུན་ལ་དེ་བཞིན་ཉིད་ཡོད་ན།། འབད་པ་མེད་པར་གྲོལ་བར་རིགས།། འཁྲུལ་པས་འཁོར་བ
186a2 ཇི་ལྟ་བུ།། རྟོགས་པའི་ཐབས་སུ་གང་ཆེ་ལགས།། ལྟ་བསྒོམ་སྤྱོད་འབྲས་བྱེ་བྲག་གང་།། ཐམས་ཅད་སེམས་ཉིད་ཤར་བ་ལ།། བར་དོ་ཞེས་པ་ཡོད་དམ་མེད།། རིག་པ་སྤྲོས་དང་བྲལ་བ་ལ།། བསྒོམ་དུ་ཡོད་པ་ཡིན།
186a3 ནམ་མིན།། སྣ་ཚོགས་རང་བཞིན་གཉིས་མེད་ལ།། འབྲས་བུ་ཐོབ་ཏུ་ཡོད་དམ་མེད།། མཚོན་མེད་ཐིག་ལེའི་ཡེ་ཤེས་ལ།། ཐུགས་རྗེ་འབྱུང་ངམ་མི་འབྱུང་ལགས།། ནམ་མཁའ་དང་མཉམ་པ་ཡི་གེ་མེད་པའི་རྒྱུད་ལས།།
186a4 གླེང་གཞིའི་ལེའུ་སྟེ་དང་པོའོ།། །། དེ་ནས་བཅོམ་ལྡན་བཀའ་སྩལ་པ།། སྐྱེ་བ་མེད་ལས་ཐམས་ཅད་སྐྱེས།། སྐྱེས་ཙམ་ཉིད་ན་ངོ་བོས་སྟོང་།། དེ་ཉིད་སྐྱེ་མེད་སྙིང་པོ་ཡིན།། གདོད་ནས་མ་སྐྱེས་ཚིག་ལས
186a5 འདས།། སྤྲོས་བྲལ་བརྗོད་མེད་ཁོ་ན་ཉིད།། མཐའ་བྲལ་གཉིས་མེད་དོན་དམ་ཀློང་།། དགག་བྱ་བསྒྲུབ་བྱ་རྣམ་པར་དག། མ་སྐྱེས་རྡོ་རྗེ་གཉིས་མེད་དང་།། ཡིད་ལ་མི་བྱེད་བྱ་བཙལ་བྲལ།། མ་བཅོས་སྤྲོས་མེད་ཆོས
186a6 ཉིད་དབྱིངས།། མཐའ་བྲལ་མི་དམིགས་རང་བཞིན་དག། བགྲོད་མེད་ལྷུན་གྲུབ་ཡངས་པ་ཆེ།། ཀུན་གྲོལ་ཉག་གཅིག་བདེ་བ་ཆེ།། དམིགས་མེད་ཡེ་ཤེས་རང་སྣང་དང་།། བརྡལ་ཁྱབ་མཁའ་གསལ་དག་པའི
iiif viewer powered by OpenSeadragon
