| e-texts navigator |
| Wylie |
185b1 @།། རྒྱ་གར་སྐད་དུ། སརྦ་དྷརྨཱ་མ་ཧཱ་སནྟི་བོ་དྷི་ཙིཏྟ་སཾ་ས་ར་མཱ་ལཙྪེ་ད་ཨཱ་ཀ་ཤ་ས་མཱ་ན་ཀྵ་ར་ཏནྟྲ། བོད་སྐད་དུ། ཆོས་ཐམས་ཅད་བྱང་ཆུབ་ཀྱི་སེམས་རྫོགས་པ་ཆེན་པོ་འཁོར་བ་རྩད་ནས་གཅོད་པ་ནམ་མཁའ
185b2 དང་མཉམ་པའི་ཡི་གེ་མེད་པའི་རྒྱུད། བཅོམ་ལྡན་འདས་ཀུན་རིག་རྒྱལ་པོ་ལ་ཕྱག་འཚལ་ལོ།། འདི་སྐད་རྟོགས་པའི་དུས་གཅིག་ན།། མཁའ་ཀློང་རྣམ་དག་ཆོས་ཀྱི་དབྱིངས།། ཀུན་བཟང་ཡངས་པ་སྐྱེ་མེད
185b3 ཀློང་།། ཡེ་ཤེས་ལྔ་རྫོགས་འོད་ཟེར་འཕྲོ།། རྡོ་རྗེ་སེམས་དཔའ་འདུས་མ་བྱས།། ཨེ་མ་ངོ་མཚར་རྨད་བྱུང་གཙུག། དེ་ནས་རྡོ་རྗེ་སེམས་དཔའ་ཡིས།། བཅོམ་ལྡན་འདས་ལ་འདི་སྐད་གསོལ།། ཀུན་གཞི་རྩད་ནས་ཅི
185b4 ལྟར་གཅད།། ཤེས་བྱའི་གྲས་ཐག་གཅད་པ་ཅི།། རིག་པའི་གནད་ནི་གང་དུ་བསྡུ།། བཅོམ་ལྡན་འདས་ཀྱིས་བཀའ་སྩལ་པ།། གདོད་ནས་མ་སྐྱེས་སྙིང་པོ་ཨ།། འགྲོ་བ་ཀུན་ལ་རང་བཞིན་གནས།། མ་རིག་ལས་དང
185b5 རླུང་གིས་འཁོར།། རྟོགས་ན་རྫོགས་སངས་རྒྱས་སུ་ངེས།། ཨེ་མ་རྡོ་རྗེ་སེམས་དཔའ་ཉོན།། བལྟ་བས་ཕྱི་རྒྱ་རླབས་ཀྱིས་གཅད།། ཏིང་ངེ་འཛིན་ལ་འབྱུང་འཇུག་མེད།། གཉིས་མེད་རྗོང་ན་ཡངས་པའི་རྒྱ།། ཀུན་ཏུ
185b6 བཟང་པོ་བདེ་ཆེན་ས།། ཨེ་མ་སེམས་དཔའ་རྡོ་རྗེ་ཆེ།། ཐམས་ཅད་རང་རིག་བྱང་ཆུབ་སེམས།། ནམ་མཁའ་བཞིན་དུ་སྤྲོས་དང་བྲལ།། སྣ་ཚོགས་རང་བཞིན་མི་གཉིས་ཚེ།། ཐིག་ལེར་རྫོགས་པས་མཚོན་དུ
iiif viewer powered by OpenSeadragon
