| e-texts navigator |
| Wylie |
184b1 རྣསམ་ཀྱིས།། ཀུན་བཟང་རྡོ་རྗེ་ང་ཡི་ལུང་།། བྱང་ཆུབ་སེམས་ཀྱི་རང་བཞིན་ནི།། རྟོགས་ཕྱིར་འགྲེལ་པ་ལྔ་པོ་འདི།། ང་ཡིས་ཁྱེད་ལ་བསྟན་པ་ཡིན།། ཞེས་གསུངས་སོ།། ཡོངས་སུ་རྫོགས་པའི་མདོ་དང་དོན་གྱི
184b2 འགྲེལ་པ་ལྔ་པ་རྫོགས་སོ།། །། དེ་ནས་སེམས་དཔའ་ཆེན་པོ་དེས།། བྱང་ཆུབ་སེམས་ཀྱི་བསྟན་པ་གཏད་པ་འདི་གསུངས་སོ།། ཀྱེ་འདུས་པའི་ཚོགས་ཆེན་འདི་ཟུང་ཞིག། བྱང་ཆུབ་སེམས་ཀྱི་མདོ་བཅུ
184b3 འདི།། སྣང་སྲིད་སྣོད་བཅུད་ཐམས་ཅད་དང་།། འཁོར་འདས་སངས་རྒྱས་སེམས་ཅན་དང་།། སྟོན་པ་ཀུན་བཟང་བྱང་ཆུབ་དང་།། སྟོན་པ་སེམས་ཉིད་རྫོགས་ཆེན་རྣམས།། ཡེ་ནས་གཉིས་མེད་གཅིག་པའི
184b4 ཕྱིར།། གཅིག་ལ་གཉིས་སུ་བགྲང་དུ་མེད།། བགྲང་དུ་མེད་པའི་བདེན་ཚིག་དགུ།། གཅིག་དོན་སྤྲོས་པ་མེད་པ་འདི།། ང་ཡིས་ཁྱོད་ལ་བསྟན་པ་ཡང་།། སྤང་འགེག་སྦྱང་ཞིང་བགྲོད་པ་དང་།། གཟུང་འཛིན་བླང་དོར
184b5 བྱ་བ་དང་།། ལྟ་སྤྱོད་རྩོལ་བསྒྲུབ་བྱར་མེད་དེ།། ལམ་དང་གཉེན་པོས་བཅོས་མེད་པར།། བྱང་སེམས་ཀུན་བཟང་རང་བཞིན་དུ།། ང་ཡིས་བསྟན་པའི་དོན་འདི་ནི།། བྱང་ཆུབ་སེམས་ཀྱི་ལུང་ཆེན་ཡིན།། རྒྱུད་དང་མདོ
184b6 སྡེའི་སྤྱི་འགྲེལ་ཡིན།། མན་ངག་ཀུན་གྱི་རྩ་བ་ཡིན།། གསུང་རབ་ཀུན་གྱི་སྙིང་པོ་ཡིན།། བསྟན་པ་ཀུན་གྱི་ཡང་རྩེ་ཡིན།། ཐེག་པ་ཀུན་གྱི་ཉིང་ཁུ་ཡིན།། མ་རིག་པ་ཡི་མུན་སེལ་ཡིན།། རྟོག་པའི་དྲ་བ་འདི་ཡིས།
iiif viewer powered by OpenSeadragon
