| e-texts navigator |
| Wylie |
184a1 པའི་འགྲེལ་པར་བཤད།། གཏན་ཚིགས་དོན་གྱི་འགྲེལ་པ་ནི།། མ་ནོར་པ་ཡི་སྙིང་པོ་འབྱིན།། ངེས་པར་གཏན་ལ་འབེབས་པས་ན།། དོན་འབྱིན་པ་ཡི་འགྲེལ་པར་བཤད།། འབྱེད་པར་བྱེད་པའི
184a2 འགྲེལ་པ་ནི། འདི་སྐོར་ཚིག་གང་དྲུག་བདུན་གོང་དང་ཟློས་པས་དཔྱད།། སོ་སོ་དག་གི་ངོ་བསྟན་ནས།། སྡེ་དང་ཚན་དང་རིས་འབྱེད་པས།། ས་གཅོད་པ་ཡི་འགྲེལ་པར་བཤད།། སྡུད་པར་བྱེད་པའི་འགྲེལ་པ་ནི།། ཆོས་ཀུན་རྩ་བ
184a3 གཅིག་བསྡུས་ནས།། སྤྲོས་པ་མེད་པའི་དོན་དུ་སྟོན།། དོན་བསྡུས་པ་ཡི་འགྲེལ་པར་བཤད།། དོན་གྱི་འགྲེལ་པ་ལྔ་པོ་འདིས།། མ་བཤད་སྐྱོན་ཡང་ལྔ་ཡོད་དེ།། ཚིག་པར་འབྲུ་ཡི་འགྲེལ་མེད་ན།། ཚིག་པར་འབྲུ་དེས
184a4 ཚིག་མི་སྡེབས།། འབྲུ་མི་ཆོམས་པའི་སྐྱོན་དུ་འགྱུར།། དཔེ་དོན་རྒྱུ་འབྲས་འགྲེལ་མེད་ན།། ཆོས་ལ་མིང་གིས་མི་ཐོགས་ཏེ།། མཚོན་དུ་མེད་པའི་སྐྱོན་དུ་འགྱུར།། གཏན་ཚིགས་དག་གི་འགྲེལ་མེད་ན།། དོན་གྱི་རྩ་བ
184a5 མི་རྙེད་དེ།། དོན་མི་ཕྱིན་པའི་སྐྱོན་དུ་འགྱུར།། འབྱེད་པར་བྱེད་པའི་འགྲེལ་མེད་ན།། ཐ་དད་འཛིན་བློ་དེ་སྐྱེས་ཏེ།། སོ་སོར་བྱེ་བྲག་མི་ཕྱེད་དེ།། ས་མེ་ཆོད་པའི་སྐྱོན་དུ་འགྱུར།། སྡུད་པར་བྱེད་པའི་འགྲེལ་མེད།
184a6 ན།། རྩ་བ་གཅིག་ཏུ་མི་འགྱུར་ཏེ།། མཐའ་ཡས་པ་ཡི་སྐྱོན་དུ་འགྱུར།། དེས་ན་འགྲེལ་པ་ལྔ་པོ་འདི།། དུས་གསུམ་བཞུགས་པའི་སངས་རྒྱས་ཀྱིས།། གསུང་གི་ཚིག་ཏུ་ངས་སྨྲས་པ།། འདུས་པའི་འཁོར་ཚོགས་ཁྱེད
iiif viewer powered by OpenSeadragon
