| e-texts navigator |
| Wylie |
183a1 ཚིགས་ཀྱིས་བཅད་པ་ནི།། སྟོན་པ་ང་ཡི་གསུང་དུ་ངེས་པར་གསུངས།། ཚིག་དོན་བཟློག་སྟེ་སྦྱོར་བ་འཁྲུགས།། ལྷུག་པར་བཤར་བ་སིལ་བུ་རྣམས།། སྐབས་ཀྱི་དོན་དང་མ་འབྲེལ་པ།། འདྲེས་པ་གང
183a2 ཟག་མི་ཡི་ཚིག། ང་ཡིས་གསུངས་པའི་དོན་ལ་སྨྲས།། ཚིག་པར་འབྲུ་ཡི་ཚིག་དོན་ནོ།། ཚེག་པར་འབྲུ་ཡི་ཡིག་ཤུགས་ནི།། གོང་མའི་ཤུགས་དང་འོག་མའི་ཤུགས།། བར་མ་འབྲེལ་པ་བདག་ཤུགས་ཀྱིས།། གང་ཡིན
183a3 པར་ནི་བརྟག་པར་བྱ།། ཚེག་པར་འབྲུ་ཡི་ཡན་ལག་ནི།། ཡིག་འབྲུ་གཅིག་ལ་ཡན་ལག་བདུན།། སྒྲ་ཡིས་བོད་པ་ལྔ་གཉིས་གཅིག། ཡན་ལག་ཤུགས་ཀྱི་ཡིག་འབྲུ་དེ།། ཡིག་འབྲུ་གར་འགྲོ་ཡན་ལག་དབང་།། ཡན
183a4 ལག་འགྲོས་ཏེ་བརྟག་པར་བྱ།། ཚིག་པར་འབྲུ་ཡི་འགྲེལ་པར་བཤད།། དཔེ་དོན་རྒྱུ་འབྲས་འགྲེལ་བ་ནི།། དོན་གྱི་ཚིག་དང་ཡི་གེའི་ཚིག། རྒྱུ་ཡི་ཚིག་དང་དཔེ་ཡི་ཚིག། རྒྱུ་ཡི་ཚིག་དང་འབྲས་བུའི་ཚིག། གང་ཡིན
183a5 འབྲུ་ལ་བརྟག་བྱ་སྟེ།། ཡན་ལག་འབྲུ་ཡིས་སྟོན་པར་བྱེད།། དེ་འདྲ་དེ་བཞིན་དེ་ལྟར་གསུམ།། དཔེ་རུ་བསྟན་པའི་འགྲེལ་པའོ།། དེ་བས་དེ་ཕྱིར་དེས་ན་གསུམ།། གང་ཡིན་དོན་དེ་དེ་མཐོང་ན།། གཏན་ཚིགས་བསྟན
183a6 པའི་འགྲེལ་པའོ།། དེ་ནས་དེ་ཡང་དེ་ལས་གསུམ།། རྒྱུ་འབྲས་བསྟན་པའི་འགྲེལ་པའོ།། དེ་ཡིན་དེ་མིན་ཡིད་ཆེས་ན།། དོན་གྱི་འགྲེལ་པ་ཡིན་པར་བཤད།། འབྲུ་དང་ཡན་ལག་གཅིག་ལ་ཡང་།། དཔེ་དོན་དེ་ལྟར
iiif viewer powered by OpenSeadragon
