| e-texts navigator |
| Wylie |
182a1 མེད།། མི་གཡོ་མི་བསྐྱོད་མི་ལེན་མི་འདོར་བས།། འདི་ཞེས་བརྗོད་མེད་ཚིག་བྲལ་མཉམ་ཉིད་དོ།། ཞེས་བསྟན། བསྒོམ་དུ་མེད་པ་བསྟན་པ་ནི།། སྲིད་པ་འབྱུང་བ་སྣང་བ་ཡོད་པའི་ཆོས།། ཆོས་ཉིད
182a2 བྱང་ཆུབ་སེམས་ལ་སྣང་བ་མེད།། མ་བཙལ་རང་བཞིན་བཞག་པས་བསྒོམ་པའི་མཆོག། བཙལ་མེད་ཆོས་ལ་ཡོད་པར་རྣམ་བཙལ་ན།། ནམ་མཁའ་དག་ལ་ཁང་པ་ཕུབ་པ་འདྲ།། མེད་པར་ཡོད་པའི་འབྲས་བུ་ཡོངས
182a3 མི་འབྱུང་།། ཞེས་བསྟན། རོལ་པ་རང་ལས་འབྱུང་བར་བསྟན་པ་ནི།། རྒྱུ་མེད་རང་བྱུང་སེམས་ནི་ངོ་མཚར་ཆེ།། དེ་ལས་རྐྱེན་མེད་ཡེ་ཤེས་རྨད་བྱུང་འདི།། བཀག་པ་མེད་པར་སྤྱོད་པས་རོལ་པ་འདི།། བྱར་མེད་རྩོལ
182a4 བསྒྲུབ་མི་མངའ་ནམ་མཁའ་བཞིན།། དངོས་པོ་ཅིར་ཡང་མི་དམིགས་གཏི་མུག་ལས།། ཐོགས་མེད་རྨད་དུ་བྱུང་བ་དེ་མ་ཟག། རྒྱུ་མེད་རང་བྱུང་ཡེ་ཤེས་རོལ་པ་འབྱུང་།། ཞེས་བྱང་ཆུབ་སེམས་ཀྱི་མདོ་ཡི་འགྲེལ་པ
182a5 ལས། ཡོངས་སུ་རྫོགས་པའི་དོན་གྱི་འགྲེལ་པ་བཅུ་པ་རྫོགས་སོ།། །། དེ་ནས་སེམས་དཔའ་ཆེན་པོ་དེས། འདུས་པའི་ཚོགས་ལ་ཆོས་ཐམས་ཅད་ཚིག་དང་ཡི་གེས་གཏན་ལ་དབབ་ཏུ་མེད་པ་དེ། ཚིག་དང་ཡི
182a6 གིགེས་འབྲེལ་པའི་སྒོ་ནས། གང་ཟག་གི་བློ་ཡིས་རྟོགས་པར་བྱ་བའི་ཕྱིར། དོན་གྱི་འགྲེལ་པ་ལྔ་པོ་འདི་གསུངས་སོ།། ཀྱེ་འདུས་པའི་ཚོགས་ཆེན་ད་ཉོན་ཅིག། སྔ་རབས་འདས་པའི་སངས་རྒྱས་ཀྱང་།། དོན་གྱི་འགྲེལ
iiif viewer powered by OpenSeadragon
