| e-texts navigator |
| Wylie |
181b1 ཉིད་བྱང་ཆུབ་སེམས།། ད་ལྟའི་ལམ་ཡང་ཆོས་ཉིད་ཆོས་ཀྱི་དབྱིངས།། སྔ་མ་རྣམས་ནི་ལམ་གྱི་དཔེ་བཞིན་དུ།། ཆོས་ཉིད་དེ་ནི་ཕྱི་ལམ་གནས་སུ་ཆེ།། དེ་ལྟར་སྔ་མ་སངས་རྒྱས་སྔ་མའི་ལམ་བཞིན་དུ།། ཆོས་ཉིད་སྐྱེ
181b2 བ་མེད་པ་དེ་བཞིན་དུ།། ཕྱི་མ་ཀུན་གྱི་ལམ་གྱི་རང་བཞིན་ནོ།། ཀུན་གྱི་ལམ་ཉིད་ཡིན་པར་བསྟན་པ་ནི།། གོང་མ་ཀུན་གྱི་ལམ་དང་འདྲ་བར་ནི།། འགྲོ་བ་ཡོངས་ཀྱི་ལམ་ནི་ཆོས་ཉིད་དོ།། ཆོས་ཉིད་ནམ་མཁའི་ཟླ་བ
181b3 འདྲ་བ་ལ།། ཚིག་བརྗོད་མཛུབ་མོས་བསྟན་དང་བཅས་པ་འདྲ།། སངས་རྒྱས་སེམས་ཅན་ཀུན་གྱི་མཉམ་པ་ནི།། ཆོས་ཉིད་བདེ་བ་ཆེན་པོ་དེ་ཡིན་ལ།། སྣང་བ་མེད་པའི་ཆོས་ཉིད་དེ་ལ་ནི།། དབང་པོས་བལྟས་པས
181b4 ཆོས་ཉིད་འགྲུབ་པ་མེད།། ཅེས་བསྟན། ཡིད་ཀྱི་ཚོགས་ཆེན་བསྟན་པ་ནི།། སྣང་སྲིད་ཡིད་ཀྱིས་ཚོགས་བསྔོས་ཡོན་བདག་སྟེ།། དབང་པོས་བལྟས་པས་འདོད་ཡོན་བཀྲམ་པའོ།། དབང་པོའི་མིག་གིས་ཚོགས་སུ
181b5 མཐོང་བ་ནི།། འདོད་ཡོན་ལྔ་རུ་གསལ་བས་དངོས་གྲུབ་བོ།། དེ་ལ་ཏིང་འཛིན་མཉམ་པར་བཞག་པ་ནི།། རྒྱུ་དང་ཡེ་ཤེས་ཚོགས་གཉིས་རྫོགས་པའོ།། ཞེས་བསྟན་ཏོ།། སྐུ་དང་ཡེ་ཤེས་བསྟན་པ་ནི།། བྱང་ཆུབ
181b6 སེམས་ནི་དངོས་པོ་ཅིར་མི་གཡོ།། གཟུང་འཛིན་མི་མངའ་ཆོས་སྐུ་ཕྱག་རྒྱ་ཡིན།། ཏིང་འཛིན་མི་བསྐྱོད་རང་བྱུང་ཡེ་ཤེས་ཏེ།། ཆོས་ཉིད་མཚན་མར་མི་ལེན་བདག་མེད་ཅིང་།། སེམས་ཀྱིས་གང་ཡང་མི་སྤང་དོར་བ
iiif viewer powered by OpenSeadragon
