| e-texts navigator |
| Wylie |
181a1 དེས་ནི་འཇིག་རྟེན་ལྟ་བ་བསྟན་པ་ཡིན།། དེ་ལས་འདས་པ་ཡོངས་སུ་རྫོགས་པ་ལ་བརྒྱད་དེ། ཉན་ཐོས་དག་གི་རང་བཞིན་དང་།། རྫོགས་པ་ཆེན་པོ་བསྟན་པ་དང་།། ལམ་བསྟན་པ་དང་ལམ་གྱི
181a2 དཔེ།། ཡིད་ལ་མ་བསགས་ཚོགས་ཆེན་དང་།། སྐུ་དང་ཡེ་ཤེས་བསྟན་པ་དང་།། བསྒོམ་དུ་མེད་པར་བསྟན་པ་དང་།། རོལ་པ་རང་ལས་བྱུང་བར་བསྟན་པའོ།། དེ་ལ་ཉན་ཐོས་བསྟན་པ་ནི།། བཙལ་དུ་མེད་པའི་ཆོས
181a3 ཉིད་དེ་ལ་ནི།། དབང་པོ་དྲུག་བརྟུལ་འདུལ་བའི་ཁྲིམས་ཞུགས་རྩོལ།། སྡུག་བསྔལ་ལུས་ཀྱི་སྤྱོད་དྲག་གིས།། སྤྱད་ཀྱང་ངེས་པའི་གནས་ནི་མིང་མེད་དེ།། ལུང་གི་ཨ་དར་སྟོན་པའི་བར་ལྡན་ན།། སྐད་ཅིག་སྒྱུ་མའི
181a4 བདེ་བ་འབྱུང་བར་འདོད།། ཅེས་བསྟན། རྫོགས་པ་ཆེན་པོའི་རོལ་པ་བསྟན་པ་ནི།། ཆོས་ཉིད་བྱང་ཆུབ་སེམས་ནི་ནམ་མཁའ་འདྲ།། སེམས་ལ་རྟོག་པ་མེད་པ་ཆོས་ཀྱི་སྐུ།། དངོས་པོ་མཚན་མ་མེད་པས་བཟུང་མི
181a5 ཟིན།། དཔེ་ནི་ཆུ་ལ་སྣང་བའི་ཟླ་བ་འདྲ།། ཆོས་སྐུ་མ་སྐྱེས་ཀུན་ཏུ་བཟང་པོ་ལས།། རོལ་པ་སྐྱེ་བའི་ཆོ་འཕྲུལ་འབྱུང་བ་ནི།། སྣང་སྲིད་མངོན་དུ་འབྱུང་བའི་ཆོས་ཉིད་དེ།། དོན་དམ་སྐྱེ་བ་མེད་པས་ཨཱ་ལིར
181a6 བཤད།། རིག་པ་མངོན་དུ་གྱུར་པའི་སེམས་ཉིད་ནི།། ཆོས་ལ་འགགས་པ་མེད་པ་ཀཱ་ལིར་བཤད།། དེ་ནི་རྫོགས་པ་ཆེན་པོའི་རོལ་པར་བཤད།། ཆོས་ཉིད་ལམ་གྱི་རང་བཞིན་བསྟན་པ་ནི།། སྔོན་གྱི་ལམ་ཡང་ཆོས
iiif viewer powered by OpenSeadragon
