| e-texts navigator |
| Wylie |
180b1 རང་བཞིན་བསྟན་པ་དགུ།། ཁྱེད་ལ་ཚིག་དགུ་བསྟན་པ་འདིས།། ང་ཡི་རང་བཞིན་ཤེས་པར་གྱིས།། ང་ཡི་རང་བཞིན་འདི་ཤེས་ན།། ཁྱེད་ཀྱང་ང་ཡི་རང་བཞིན་ཡིན།། ང་ཡི་ཆོས་རྣམས་ཐམས་ཅད་ཀྱང་།། སྤྱོད་ཡུལ
180b2 ཀུན་ལས་འདས་པའི་ཕྱིར།། སྒྲོ་སྐུར་ཀུན་དང་ང་བྲལ་ལོ།། ཞེས་ཡོངས་སུ་རྫོགས་པའི་མདོའོ།། །། དེ་ནས་སེམས་དཔའ་ཆེན་པོ་རྡོ་རྗེ་དེས། འདུས་པའི་ཚོགས་ལ་ཡོངས་སུ་རྫོགས་པའི་མདོ་ལས་དོན་གྱི
180b3 མདོའི་འགྲེལ་པ་བཅུ་པོ་འདི་གསུངས་སོ།། ཀྱེ་འདུས་པའི་ཚོགས་ཆེན་དེ་ཉོན་ཅིག། ཡོངས་སུ་རྫོགས་པའི་མདོ་འདི་ནི།། རྫོགས་པ་རྣམ་པ་གཉིས་སུ་རྫོགས།། འཇིག་རྟེན་ཡོངས་སུ་རྫོགས་པ་དང་། འདས་པ་ཡོངས
180b4 སུ་རྫོགས་པའོ།། འཇིག་རྟེན་རྣམ་པ་གཉིས་བསྟན་ལ། འདས་པ་རྣམ་པ་བརྒྱད་ཀྱིས་བསྟན།། འཇིག་རྟེན་ལས་དང་བསམ་པ་གཉིས།། འཇིག་རྟེན་ཁམས་གསུམ་ལས་ཀྱི་སྦྱོར་བ་ཡང་།། དོན་དམ་མེད་པའི་སྒྱུ་མར
180b5 སྣང་བ་སྟེ།། དོན་དམ་མ་ཡིན་ཚིག་ཙམ་སྣང་བ་སྟེ།། འཇིག་རྟེན་འདི་ན་བསོད་ནམས་ཚོགས་པ་ཡིས།། འཁོར་བའི་འཁོར་ལོ་བསྒྱུར་བའི་གནས་ཐོབ་ཀྱང་།། མི་རྟག་སྒྱུ་མ་འདྲ་བའི་བསྟི་གནས་ཡིན།། འཇིག་རྟེན
180b6 འདི་ཡི་བསམ་པ་དེ་ལྟའོ།། སྣ་ཚོགས་སྤྱོད་ཅིང་མེད་པའི་དུས་ལ་ལྟོས།། ལས་ཀྱི་དུས་དེར་འབྱུང་བར་མི་འགྱུར་ཏེ།། ཆགས་དང་མ་བྲལ་སྨོན་ལམ་འདེབས་པས་ན།། འབྲས་བུ་མེད་ཅིང་སྟོང་པར་གསུངས་པ་ཡིན།།
iiif viewer powered by OpenSeadragon
