| e-texts navigator |
| Wylie |
180a1 གདགས་སུ་མེད་ཅེས་བྱ།། དོན་བསྡུས་པ་ཡི་གཏན་ཚིགས་སོ།། །། དེ་ནས་སེམས་དཔའ་ཆེན་པོ་དེས། འདུས་པའི་ཚོགས་ཆེན་ལ་ཆོས་ཐམས་ཅད་ཚིག་དགུར་འདུས་ལ། ཚིག་དགུ་བྱང་ཆུབ་ཀྱི
180a2 སེམས་གཅིག་ལ་སྨྲས་པ། བྱང་ཆུབ་སེམས་ནི་སེམས་དཔའ་ང་ཉིད་ཡིན་པར་སྨྲས་པ་འདི་གསུངས་སོ།། ཀྱེ་འདུས་པའི་ཚོགས་ཆེན་ད་ཉོན་ཅིག། ཚིག་དགུ་བྱང་ཆུབ་སེམས་བཅུ་ནི།། ཚིག་དགུ་སྨྲས་པ་སེམས་ཀྱིས
180a3 སྨྲས།། སེམས་དེ་བསྟན་ཕྱིར་ཚིག་དགུ་བྱུང་།། ང་ནི་སེམས་ཀྱི་ཆོས་ཉིད་དེ།། སེམས་ཉིད་ཡེ་ནས་འདུས་མ་བྱས།། ང་ནི་སེམས་དཔའ་རྡོ་རྗེ་ཞེས།། ཀུན་བཟང་བྱང་ཆུབ་སེམས་ཀྱིས་བཏགས།། བྱང་ཆུབ་སེམས་ཀྱི
180a4 ཆོས་ཉིད་ལ།། རང་བྱུང་ཡེ་ཤེས་རྒྱུ་མེད་པས།། རང་བྱུང་ཡེ་ཤེས་གཉེན་པོ་མེད།། བཙལ་དུ་མེད་པའི་བྱང་ཆུབ་སེམས།། སྦྱང་དུ་མེད་པའི་བྱང་ཆུབ་སེམས།། བསམ་དུ་མེད་པའི་བྱང་ཆུབ་སེམས།། དངོས་པོ་བྲལ
180a5 བའི་བྱང་ཆུབ་སེམས།། བསྟན་དུ་མེད་པའི་བྱང་ཆུབ་སེམས།། སྤྲོས་པ་མེད་པའི་བྱང་ཆུབ་སེམས།། བརྟག་ཏུ་མེད་པའི་བྱང་ཆུབ་སེམས།། སྒྲོ་སྐུར་བྲལ་བའི་བྱང་ཆུབ་སེམས།། ཀུན་ལས་འདས་པའི་སེམས་ཉིད
180a6 འདིར།། ཆོས་ཀུན་ཡེ་ནས་འདུས་ཤིང་གནས།། སེམས་ཉིད་ནམ་མཁའ་ལྟ་བུར་གནས།། ནམ་མཁའ་ཅི་ལའང་མི་གནས་བཞིན།། སེམས་ཉིད་ཅི་ལའང་གནས་པ་མེད།། སེམས་དཔའ་ཆེན་པོ་ང་ཡིས་ནི།། ང་ཡི།
iiif viewer powered by OpenSeadragon
