| e-texts navigator |
| Wylie |
179b1 ནི།། སེམས་ཉིད་རྫོགས་པ་ཆེན་པོ་རུ།། ཆོས་ཀུན་འདི་རུ་རྫོགས་པའོ།། སྲོག་བཞི་མན་ངག་གང་ཞེ་ན།། རྣལ་འབྱོར་སྲོག་ནི་དམ་ཚིག་ཡིན།། དམ་ཚིག་བཞི་ནི་གང་ཞེ་ན།། བསྲུང་དུ་མེད་པ་རྣམ་བཞི་སྟེ།། མེད་པ
179b2 དང་ནི་ཕྱལ་བ་དང་།། གཅིག་པུ་དང་ནི་ལྷུན་གྲུབ་བོ།། དམ་ཚིག་སྲོག་ནི་བལྟ་བ་ཡིན།། བལྟ་བའི་སྲོག་ནི་སྟོན་པའི་ལུང་།། ལུང་གི་སྲོག་ནི་མན་ངག་གོ།། དེ་ཡི་སྲོག་ནི་གསང་བའོ།། ལྔ་གཅིག་གསུམ་གྱིས་འཕགས
179b3 པ་ནི།། དེ་ཡང་གང་དང་གང་ཞེ་ན།། ཁྱད་པར་འཕགས་པའི་མདོ་དག་ལས།། ཁྱད་པར་འཕགས་པའི་ཆེ་ལྔས་འཕགས།། གསུམ་འཕགས་ཕུན་སུམ་ཚོགས་མདོ་ལས།། ཕུན་སུམ་ཚོགས་པ་གསུམ་གྱིས
179b4 འཕགས།། གཅིག་འཕགས་བྱང་ཆུབ་སེམས་མདོས་འཕགས།། དེས་ན་ཐེག་པ་ཀུན་ལས་འཕགས།། གདགས་སུ་ཡོད་མེད་བསྟན་པ་ནི།། གདགས་སུ་ཡོད་པར་བསྟན་པ་དང་།། གདགས་སུ་མེད་པར་བསྟན
179b5 པའོ།། གདགས་སུ་ཡོད་པར་བསྟན་པ་ནི།། རྣམ་པར་བགྲང་བའི་མདོ་དག་དང་།། ཐེག་པ་ཡས་ཕུབ་མདོ་དག་ལས།། བདེན་པ་ཚིག་ཏུ་གདགས་སུ་ཡོད།། ཚིག་དགུ་སྟོན་པའི་སྟོན་པ་ཡང་།། གདགས་སུ་ཡོད་པར
179b6 བཤད་པ་ཡིན།། གདགས་སུ་མེད་པར་བསྟན་པ་ནི།། ངེས་པ་སྟོན་པའི་མདོ་དག་ལས།། གདགས་སུ་མེད་པ་བརྒྱད་བསྟན་པ།། བྱང་ཆུབ་སེམས་ཀྱི་མདོ་དག་ལས།། བྱང་ཆུབ་སེམས་ལ་མཚོན་དུ་མེད།། དེས་ན
iiif viewer powered by OpenSeadragon
