| e-texts navigator |
| Wylie |
179a1 ཡིས།། ཆོས་ཀུན་གཏན་ལ་འབེབས་པའི་ཕྱིར།། ལུང་ཆེན་གཏན་ལ་འབེབས་པར་བཤད།། བྱང་ཆུབ་སེམས་ཀྱི་ལུང་ཞེས་བཤད།། སེམས་ཉིད་རྫོགས་པ་ཆེན་པོ་འདིའི།། མན་ངག་རང་བཞིན་བཅུ་པོ
179a2 འདིས།། སྒོ་སྐུར་འདས་པར་ལ་ཟློའི་ཕྱིར།། མན་ངག་ཀྱང་ནི་ཡིན་པར་བཤད།། དོན་བསྡུས་པ་ཡི་གཏན་ཚིགས་ནི།། རྣམ་པ་ལྔ་རུ་བསྟན་པ་ཏེ།། དགོས་དོན་ལྔ་དང་མན་ངག་བརྒྱད།། རྣལ་འབྱོར་སྲོག་བཞི་དམ
179a3 ཚིག་བཞི།། ལྔ་གཅིག་གསུམ་གྱིས་འཕགས་པ་དང་།། གདགས་སུ་ཡོད་མེད་བསྟན་པའོ།། དགོས་དོན་ལྔ་ནི་གང་ཞེ་ན།། བྱང་ཆུབ་སེམས་ཀྱི་རང་བཞིན་དང་།། སེམས་ཀྱི་རྡོ་རྗེ་སྐྱེ་མཆེད་དང་།། བཙལ་དུ་མེད་པའི
179a4 ཆོས་ཉིད་དང་།། ཀུན་བཟང་རོལ་པར་འབྱུང་བའི་ཕྱིར།། ཏིང་འཛིན་བསྐྱེད་རྫོགས་མི་དགོས་དང་།། ཅི་ལྟར་བྱས་པའི་མཛད་སྤྱོད་ནི།། མན་ངག་དམ་པ་ཡིན་པར་བཤད།། མན་ངག་བརྒྱད་ནི་གང་ཞེ་ན།། ས་དང
179a5 མ་གྱི་དཀྱིལ་འཁོར་དང་།། ལས་དང་སྦྱོར་བ་དག་པ་དང་།། འབྱེད་པ་མེད་དང་སྒྲོལ་བ་དང་།། རྫོགས་པ་ཆེན་པོའི་མན་ངག་གོ།། དེ་ཡང་ཇི་ལྟ་བུ་ཞེ་ན།། ས་ལ་སྦྲང་དུ་མེད་པ་ཡིན།། ལམ་ལ་བགྲོད་དུ་མེད་པ
179a6 ཡིན།། དཀྱིལ་འཁོར་མཐའ་དབུས་མེད་པ་ཡིན།། ལས་ལ་བཙལ་དུ་མེད་པ་ཡིན།། སྦྱོར་བ་གཉིས་སུ་མེད་པ་ཡིན།། གཅིག་ལ་དབྱེ་རུ་མེད་པ་ཡིན།། རྒྱུ་རྐྱེན་མ་བྱས་སྐྱེ་མེད་བསྒྲལ།། རྫོགས་པ་ཆེན་པོའི་མན་ངག
iiif viewer powered by OpenSeadragon
