| e-texts navigator |
| Wylie |
178b1 གསུམ་གྱིས།། གང་ཟག་དབང་པོ་རིམ་དགུ་ལ།། བདེན་པའི་ཚིག་དགུ་སྨྲས་པ་ནི།། སྟོན་པའི་ལུང་དགུ་ཞེས་སུ་གདགས།། ལ་ཟློ་བ་ཡི་མན་ངག་ནི།། རྣམ་པ་བཅུ་རུ་ཤེས་པར་བྱ།། དེ་ཡང་གང་དང་གང་ཞེ
178b2 ན།། བལྟ་བ་དང་ནི་དམ་ཚིག་དང་།། ཕྲིན་ལས་དང་ནི་ཡེ་ཤེས་དང་།། ས་དང་ལམ་གྱི་རིམ་པ་དང་།། ཕྲ་བ་ཆོས་དང་རྒྱུད་དང་ལུང་།། མན་ངག་རང་བཞིན་བཅུ་པོ་དེ།། སེམས་ཉིད་རྫོགས་པར་བསྟན་པ
178b3 བཞིན།། མན་ངག་ཏུ་ནི་ཤེས་པར་བྱ།། ངེས་པ་དག་གིས་ཡིན་པ་ནི།། རྣམ་པ་དྲུག་ཏུ་ཤེས་པར་བྱ།། བྱང་ཆུབ་སེམས་ཀྱི་རང་བཞིན་ཏེ།། ཡེ་ནས་ཡིན་པའི་དོན་བཤད་དེ།། ཀུན་ཏུ་བཟང་པོ་ཡིན་པ་དང་།། ཀུན་ཏུ
178b4 བཟང་མོ་ཡིན་པ་དང་། གཉིས་སུ་མེད་པ་ཡིན་པ་དང་།། རྒྱུད་ཡིན་ལུང་ཡིན་མན་ངག་ཡིན།། རྣམ་པ་དྲུག་ཏུ་ཤེས་པར་བྱ།། ཆོས་ཉིད་བྱང་ཆུབ་སེམས་དེ་ལ།། བཟང་ངན་བླང་དོར་མེད་པའི་ཕྱིར།། ཀུན་ཏུ་བཟང་པོ
178b5 ཡིན་པར་བཤད།། ཆོས་ཉིད་བྱང་ཆུབ་སེམས་དེ་ལ།། ཐམས་ཅད་འདུས་ཤིང་འབྱུང་བའི་ཕྱིར།། ཀུན་ཏུ་བཟང་མོ་ཡིན་པར་བཤད།། ཆོས་ཉིད་བྱང་ཆུབ་སེམས་དེ་ལ།། གཟུང་འཛིན་སྤྲོས་པ་མེད་པའི་ཕྱིར།། གཉིས
178b6 སུ་མེད་པ་ཡིན་པར་བཤད།། རྒྱུད་ལུང་མན་ངག་གསུམ་ཡིན་པས།། ཆོས་ཉིད་བྱང་ཆུབ་སེམས་དེ་ལ།། ཐམས་ཅད་འདུས་ཤིང་འཚོགས་པའི་ཕྱིར།། ཕུན་སུམ་ཚོགས་པའི་རྒྱུད་ཅེས་བྱ།། ཆོས་ཉིད་བྱང་ཆུབ་སེམས་དེ
iiif viewer powered by OpenSeadragon
