| e-texts navigator |
| Wylie |
177b1 གཅིག་གིས་བསྟན།། དེས་ན་སུམ་བརྒྱ་དྲུག་ཅུར་བཤད།། ཐེག་པ་རྣམ་པ་དྲུག་པོ་ཡིས།། རང་གི་རང་བཞིན་མ་ཤེས་ན།། གོལ་སྒྲིབ་གོང་དུ་བསྟན་པ་འབྱུང་།། རྣལ་འབྱོར་རྣམ་པ་བཞི་པོ་ལ།། གོལ་སྒྲིབ་ཉིས་བརྒྱ
177b2 བཞི་བཅུ་བྱུང་།། གོལ་སྒྲིབ་གྲངས་དེ་འབྱུང་བ་ནི།། ཡཱ་ན་རྣམ་པ་བདུན་པོ་ལ།། ལྟ་བ་རེ་དང་དམ་ཚིག་རེ།། ཕྲིན་ལས་རེ་དང་ཡེ་ཤེས་རེ།། ས་རེ་ལམ་རེ་ཕྲ་བ་རེ།། རྒྱུད་རེ་ལུང་རེ་མན་ངག་རེ།། ཡཱ་ན་རེ་ལ་ཡོད་པའི
177b3 ཕྱིར།། དེས་ན་གོལ་སྒྲིབ་གྲངས་སུ་འབྱུང་།། འདི་རུ་མདོ་ཙམ་བསྟན་པ་ཡིན།། གོལ་སྒྲིབ་བསྟན་པའི་མདོ་ཡིས་བསྟན།། འབྲེལ་པ་རྒྱུད་ཀྱི་རང་བཞིན་ནི།། རྣམ་པ་བཅུ་རུ་ཤེས་པར་བྱ།། སྣང་བ་དང་ནི་སྲིད་པར
177b4 འབྲེལ།། སྣོད་དང་བཅུད་དུ་ཡེ་ནས་འབྲེལ།། འཁོར་བ་མྱང་འདས་ཡེ་ནས་འབྲེལ།། རྒྱུ་དང་འབྲས་བུ་ཡེ་ནས་འབྲེལ།། ཡུལ་དང་དབང་པོ་ཡེ་ནས་འབྲེལ།། ཐབས་དང་ཤེས་རབ་ཡེ་ནས་འབྲེལ།། དབྱིངས་དང་ཡེ
177b5 ཤེས་ཡེ་ནས་འབྲེལ།། དོན་དམ་ཀུན་རྫོབ་ཡེ་ནས་འབྲེལ།། སེམས་དང་ཆོས་སུ་ཡེ་ནས་འབྲེལ།། དེས་ན་སངས་རྒྱས་སེམས་ཅན་འབྲེལ།། རྒྱུད་ཀྱི་རང་བཞིན་འབྲེལ་པར་བཤད།། དེ་ཡང་ཅི་ལྟ་བུ་ཞེ་ན།། ཇི་ལྟར
177b6 སྣང་བའི་ཆོས་རྣམས་ནི།། སྲིད་པ་སྣང་བར་འབྱུང་བའི་ཕྱིར།། འབྲེལ་པ་ཞེས་སུ་བཤད་པ་ཡིན།། སྣོད་ན་ཡེ་ནས་བཅུད་གནས་ཏེ།། སྣོད་ཅེས་བྱ་བ་བཅུད་ཀྱི་སྣོད།། དེས་ན་སྣོད་བཅུད་ཡེ་ནས་འབྲེལ།། རྒྱུད་དྲུག
iiif viewer powered by OpenSeadragon
