| e-texts navigator |
| Wylie |
16b1 ཆུབ་ཀྱི་སེམས་ཀུན་བྱེད་རྒྱལ་པོ་ལས་ཆོས་ཉིད་ཀྱི་རང་བཞིན་ལས་ཆོས་ཉིད་ཀྱི་ཡུལ་ཀུན་ལ་བཀོད་པའི་ལེའུ་སྟེ་བརྒྱད་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་རྒྱུ་འབྲས་ཀྱི་ཐེག་པ
16b2 བགྲོད་ལམ་ནོར་བས་རྫོགས་པ་ཆེན་པོ་ལས་གོལ་ས་དང་སྒྲིབ་པར་གྱུར་པ་འདི་གསུངས་སོ།། ཀྱེ་སེམས་དཔའ་ཆེན་པོ།། བྱང་ཆུབ་སེམས་ཀྱི་རང་བཞིན་འདི་ཉིད་ནི།། ཆོས་ཀུན་མ་ལུས་པ་ཡི་སྙིང་པོ་སྟེ།། མ་སྐྱེས
16b3 རྣམ་པར་དག་པས་སྒྲིབ་པ་མེད།། བགྲོད་པའི་ལམ་དང་བྲལ་བས་གོལ་ས་མེད།། ཡེ་ནས་ལྷུན་གྱིས་གྲུབ་པས་བཙལ་དུ་མེད།། ཆོས་ཀུན་སྙིང་པོ་བྱང་ཆུབ་སེམས་སུ་གཅིག། གཅིག་ལ་རྣམ་པར་བགྲངས་པས་གོལ
16b4 སྒྲིབ་བྱུང་།། བགྲོད་དུ་མེད་ལ་བགྲོད་པས་གོལ་ས་བྱུང་།། དམིགས་མེད་བལྟས་པས་མ་མཐོང་སྒྲིབ་པ་བྱུང་།། དེ་བཞིན་ཉིད་དུ་ཐམས་ཅད་གཅིག་པ་ལ།། རྒྱུ་སྤྱད་འབྲས་བུ་ཕྱི་མར་འདོད་པ་ནི།། ཕ་རོལ་ཕྱིན་བཅུས
16b5 ས་བཅུ་ཐོབ་འདོད་པ།། བསྐལ་པ་གསུམ་གྱི་བར་དུ་གོལ་ནས་བསྒྲིབས།། ཕྱི་ནང་རྟོག་པ་དག་པ་རྣམ་གསུམ་གྱིས།། བྱང་ཆུབ་ལྔ་དང་ཆོ་འཕྲུལ་ཡན་ལག་གི། དམ་ཚིག་སྡོམ་པ་ཚུལ་བཞིན་དག་ན་ཡང་།། མི་ཚེ་བདུན
16b6 གྱི་བར་དུ་གོལ་ཞིང་བསྒྲིབས།། རྒྱུ་ལ་སྤྱོད་ཅིང་འབྲས་བུ་ལྟ་བ་ནི།། ལྟ་སྤྱོད་སོ་སོ་གཉིས་སུ་བལྟས་པ་ཡིས།། གཉིས་སུ་མེད་ལ་མི་ཚེ་གསུམ་བསྒྲིབས་གོལ།། སྙིང་པོ་གཅིག་ལ་བླང་དོར་བྱེད་པ་དེ།། གཅིག་ཏུ་མ
iiif viewer powered by OpenSeadragon
