| e-texts navigator |
| Wylie |
167b1 སྙིང་རྗེས་ཐེག་ཆེན་བསྟན།། ནང་ནས་ཕྱི་མོ་ཉིད་ནས་མ་གཡོས་པས།། ནང་དུ་འདིའོ་ཞེས་ནི་བཙལ་བའི་གནས་མེད་དོ།། དམིགས་པའི་ཡུལ་ཕྱིར་ཆགས་ཤིང་ཡུལ་ལ་འཛིན།། དེ་ཕྱིར་གཞན་དུ་བསྔོ་བར་བྱ་བའི
167b2 དམིགས་པ་མེད།། མཉམ་པ་དེ་ལས་མི་འབྱུང་དེ་ལ་མི་འཇུག་ཅིང་།། དེ་ཉིད་བདག་ཉིད་ཆེན་པོ་སྙིང་རྗེ་དེ་ཡིན་ན།། གཞན་ནས་བཙལ་བ་འཕགས་པའི་ནོར་མེད་མི་འོང་བས།། ཡེ་ནས་བདག་ཉིད་ལ་ནི་གནས་པ
167b3 ཡིན་ཞེས་བསྟན།། བདེ་བ་ཐོབ་པར་འདོད་པས་རེ་བ་དག་དང་བཅས།། དེ་ཕྱིར་འདི་ཡིས་བདེ་ལ་རྒྱབ་ཀྱིས་ཕྱོགས་པར་འདོད།། བདེ་ལ་ཆགས་པའི་ནད་ཀྱིས་ཟིན་ཏེ་བདེ་བས་བདེ་བ་འཚོལ།། བྱང་ཆུབ་ལོགས
167b4 ནས་འདོད་པའི་འཁྲུལ་པའི་ལམ་ལ་གནས།། དེས་ན་ཡེ་རྔམ་ཆོས་ལ་ཟ་ཞིང་འཆེལ།། དེ་ལྟའི་ཡུལ་ཅན་གཟུང་འཛིན་བཅས་པས་ན།། སངས་རྒྱས་ཞེས་ནི་ལོགས་ནས་མཐོང་བ་མེད།། སངས་རྒྱས་ཞེས་ནི་ངང་གིས
167b5 གནས་པ་མེད།། དེ་ཕྱིར་སངས་རྒྱས་མིང་དུ་སྨོས་པ་བྲལ།། སངས་རྒྱས་ཞེས་ནི་སྟོན་པས་མིང་བཏགས་ནོར།། སངས་རྒྱས་ཞེས་ནི་གཞན་ནས་ཐོབ་བྱེད་པ།། དེ་ཉིད་སྨིག་རྒྱུ་བཞིན་ཏེ་ནོར་བའི་ལམ།། ཁ་དོག
167b6 དབྱིབས་ཀྱི་གཟུགས་ནི་ཡོད་མིན་པས།། ཆོས་ཀུན་བཤད་པ་རྡུལ་ཆ་ཙམ་ཡང་མེད།། ཟིན་པའི་ནད་དང་ཆགས་པའི་སྡུག་བསྔལ་ཡེ་ནས་ཞི།། དངོས་པོ་མེད་ལ་ཞེན་པ་ཡེ་ནས་སྤངས།། གཉིས་མེད་བདུད་རྩི་ཆེན
iiif viewer powered by OpenSeadragon
