| e-texts navigator |
| Wylie |
165a1 དང་།། གཟུང་འཛིན་རྣམ་པར་དག་པ་གཉིས།། ཡེ་ནས་གཉིས་མེད་ཆོས་དབྱིངས་ལ།། ལོག་རྟོག་བྱིས་པས་བསླུ་བ་མེད།། འཁྲུལ་པས་ནོར་བའི་ལམ་བསྟན་ཀྱང་།། གོང་གི་ཆོས་དབྱིངས་ལམ་དེ
165a2 གཉིས།། ཡེ་ནས་གཉིས་མེད་གཅིག་ཡིན་ཏེ།། ལམ་གཉིས་མཉམ་པར་ཤེས་པ་ནི།། དུས་གསུམ་སངས་རྒྱས་ཀུན་གྱི་རྗེ།། ང་དང་བདག་ཏུ་གང་སྟོན་པ།། དེ་ནི་མུ་སྟེགས་འཁྲུལ་པའི་ལམ།། ཆ་མེད་བྱིས་པས་བསླུས
165a3 པ་ནི།། རྟོག་པའི་ལམ་ལ་བཙུད་པ་སྟེ།། བགྲོད་པས་ཕྱིན་པའི་དུས་མེད་ལ།། བརྟགས་པས་རྟོགས་པའི་ཡུལ་མེད་པས།། ཆོས་ཉིད་ཆོས་ཚོལ་རྙེད་མི་འགྱུར།། སེམས་ཉིད་མངོན་དུ་མ་མཐོང་བའི།། ཚད་མར་མ་གྱུར
165a4 སྒྲེ་འདྲ་ཡིས།། སྟོན་པའི་ལུང་བསྟན་བཀའ་བོར་བས།། ལམ་ནོར་རྟོག་པས་ཟིན་ཏ་རེ།། སེམས་ཉིད་མངོན་དུ་གྱུར་མཐོང་བའི།། ཕྱི་རབས་དེས་ལུང་སྟོན་པ་ནི།། གསེར་ལ་ནག་མཚུར་བཏང་བས་ན།། དེ་ལ་དཔག
165a5 མེད་ཡོན་གྱིས་བསླུའོ།། ཞེས་བསྟན། དེ་ནས་སེམས་དཔའ་ཆེན་པོ་དེས།། འདུས་པའི་ཚོགས་ལ་བཀའ་སྩལ་པ།། ཀྱེ་འདུས་པའི་ཚོགས་ཆེན་ད་ཉོན་ཅིག། སེམས་ལ་ངོ་བོ་མེད་པ་དང་།། ལམ་ལ་བགྲོད་དུ་མེད་པ
165a6 དང་།། ཆོས་ཉིད་མཚོན་དུ་མེད་པ་དང་།། སྒྲོ་སྐུར་གདགས་སུ་མེད་པ་དང་།། བྱང་ཆུབ་སེམས་སམ་ཆོས་དབྱིངས་ལ།། ཅིར་ཡང་མི་གནས་གཟུང་འཛིན་དམིགས་པའི་ཡུལ་མེད་པས།། རྣམ་པར་མི་རྟོག་ཆོས་ཉིད
iiif viewer powered by OpenSeadragon
