| e-texts navigator |
| Wylie |
164b1 བསམ་ཡུལ་ལས་འདས།། ཀུན་ལས་འདས་པའི་ཐིག་ལེ་དྲུག། སྒྲོ་དང་སྐུར་པ་ཀུན་དང་བྲལ།། སྐྱེ་འཇིག་མེད་པའི་རང་བཞིན་གྱིས།། བསྒོམ་དུ་མེད་པའི་དོན་བསྟན་ཏོ།། དེ་ནས་ཡང་སྤྱོད་པ་བླང་དོར་མེད་པ་འདི
164b2 བསྟན་ཏོ།། ཀྱེ་འདུས་པའི་ཚོགས་ཆེན་ད་ཉོན་ཅིག། སྣང་བའི་ཆོས་ནི་སྣ་ཚོགས་ཏེ།། ཆོས་ཉིད་དག་ལ་མི་གཉིས་ཀྱང་།། སྙིང་པོ་བྱང་ཆུབ་ཆས་གཞིག་པས།། མཚོན་དུ་མེད་དེ་སྤྲོས་དང་བྲལ།། མ་བཅོས་པ་ཡི་ཆོས
164b3 ཉིད་དུ།། ཇི་བཞིན་པ་ཞེས་མི་རྟོག་ཀྱང་།། སྣ་ཚོགས་རྣམ་པར་སྣང་མཛད་ལ།། བླང་དོར་མེད་པས་ཀུན་ཏུ་བཟང་།། ཡེ་ནས་རྩོལ་བསྒྲུབ་འདས་པ་ན།། བྱས་ཟིན་རྩོལ་བའི་ནད་སྤངས་ཏེ།། ལྷུན་གྱི་གནས་ལ་བཞག
164b4 པ་ཡིན།། ཞེས་བསྟན།། ཀྱེ་འདུས་པའི་ཚོགས་ཆེན་དེ་ཉོན་ཅིག། ལམ་ལ་བགྲོད་དུ་མེད་པ་དང་།། རྣམ་པར་བགྲང་དུ་མེད་པ་ནི།། བྱང་ཆུབ་སེམས་སམ་ཆོས་དབྱིངས་ལ།། རྣམ་པར་བགྲང་དུ་མེད་པར་ཡོད།། ཕྱི
164b5 དང་ནང་གི་ཆོས་ཉིད་འདི།། འབྱུང་ཆེན་ལྔ་དང་སྣང་སྲིད་ཕྱི།། བྱང་ཆུབ་སེམས་དང་ཆོས་ཉིད་དང་།། དབྱེ་བ་མེད་པར་ཆོས་ཀྱི་དབྱིངས།། ཡེ་ནས་རྣམ་དག་སྤྱོད་ཡུལ་ལ།། སངས་རྒྱས་སེམས་ཅན་གཉིས་མེད
164b6 པས།། དེ་ལ་རྣམ་པར་བགྲང་དུ་མེད།། ཡེ་ནས་རྫོགས་པའི་བྱང་ཆུབ་ལ།། བསྒྲུབ་ཏུ་མེད་པས་སྨོན་དུ་མེད།། ཡེ་ནས་ལྷུན་རྫོགས་བྱ་རུ་མེད།། སྔ་མ་བཞིན་ཏེ་རྩོལ་བསྒྲུབ་མེད།། རྟོག་པ་དང་ནི་དཔྱོད་པ
iiif viewer powered by OpenSeadragon
