| e-texts navigator |
| Wylie |
164a1 གདགས་སུ་མེད་པ་ནི།། བླང་དོར་མེད་པའི་རྒྱལ་པོ་ནི།། ཐམས་ཅད་སྙིང་པོ་བྱང་ཆུབ་སེམས།། སེམས་དང་བག་ཆགས་འདྲེས་མཚུངས་ལ།། སེམས་ཀྱི་དབང་པོ་སྒོ་ལྔ་ཡིས།། སྣང་བའི་ཆོས་ནི་རྣམ་པ
164a2 ལྔ།། དབང་པོ་སྒོ་ལྔ་རང་རྐྱེན་གྱིས།། སྤང་ཞིང་དོར་བར་ཡོངས་མི་བྱེད།། ཅི་ཡང་མི་དགོངས་ཐབས་ཀྱིས་རོལ།། ཀུན་དང་མི་མཐུན་སྤང་བའི་ཆོས།། ཉོན་མོངས་ལྔ་དང་མཚམས་མེད་ལྔ།། དེ་ནི་རྣམ་དག་ཆེན་པོ
164a3 སྟེ།། གར་བཞུགས་མཉམ་པའི་རྒྱལ་པོ་ཐོབ།། བུད་མེད་ལ་སོགས་ཆགས་པའི་གནས།། ཀུན་ཀྱང་སྤང་བར་མི་བྱེད་དོ།། ལོ་རྒྱུས་ཚད་མའི་བློར་བཞག་ནས།། ཏིང་འཛིན་རྣམ་པ་གསུམ་པོ་དེ།། བརྟན་ནས་གྲུབ་པའི
164a4 མཐའ་སྤྱོད་པ།། རྩོལ་བྲལ་ལུང་ལས་གོལ་ཞེས་བཤད།། བྱ་བྲལ་བདེ་བའི་ལྷུན་ལ་གནས།། ཡེ་ནས་རང་བྱུང་སྙིང་པོ་ཉིད།། ཡེ་ནས་བྱས་ཟིན་བདུད་རྩི་ཡིས།། རྩོལ་བ་དག་གི་སྡུག་བསྔལ་འཇོམས།། ཡེ་ནས་མི
164a5 གཡོ་མི་འགྱུར་ཏེ།། འགྱུར་མེད་རྙེད་པ་ཀུན་དང་བྲལ།། བྱ་བྲལ་ཟིན་པའི་ཡུལ་དེ་ལ།། བཅོས་པ་མེད་པ་ཇི་བཞིན་གནས།། བརྟགས་པས་ཆོས་ནི་ཐམས་ཅད་ཀུན།། ཐིག་ལེ་ཆེན་པོའི་རང་བཞིན་པས།། སྤྲོ་བ་མེད
164a6 ཅིང་བསྡུ་བ་མེད།། སྐྱེ་བ་མེད་ཅིང་འགག་པ་མེད།། འགོག་པ་མེད་པ་དེ་བཞིན་གནས།། རྣམ་པར་མི་རྟོག་སྙིང་པོ་འདི།། དངོས་མེད་མཚན་མ་ཅིར་མི་གནས།། ནམ་མཁའ་བཞིན་དུ་ཡེ་གནས་པས།། རྟོག་པའི་སྒྲ
iiif viewer powered by OpenSeadragon
