| e-texts navigator |
| Wylie |
163b1 ལམ།། ཚུལ་ཁྲིམས་སྡོམ་པ་མེད་པར་བཤད།། སེམས་ལ་ངོ་བོ་མེད་པ་ནི།། ཕྲ་ཞིང་ཤེས་དཀའ་ཀུན་གྱི་ལམ།། མི་རྟོག་དེ་ནི་རྟོག་ལས་འདས།། དངོས་པོ་མཚན་མ་དམིགས་སུ་མེད།། སྤྲོས་མེད་བསམ་པ་ཀུན་དང
163b2 བྲལ།། ཚིག་གིས་གཏན་ལ་མི་ཕེབ་སྟེ།། དབྱིབས་དང་ཁ་དོག་སྤྱོད་ཡུལ་མིན།། བསྟན་ཅིང་བརྟགས་པར་དཀའ་ལ་བརྗོད་དུ་རྡུལ་ཙམ་མེད།། ཆོས་ཉིད་མཚོན་དུ་མེད་པ་ནི།། སྔོན་གྱི་དྲང་སྲོང་འགྲུབ་ལམ་དེར།། ད
163b3 ལྟར་གང་དུ་འཇུག་པ་ནི།། བསྒོམ་ཆགས་ལམ་གྱི་ནད་ཀྱིས་ཟིན།། སྟོན་པའི་ལུང་གི་ཚིག་རྣམས་ལ།། ལམ་དུ་དེ་མཐོང་འཇུག་པ་ནི།། རྟོག་པའི་ལམ་ཞུགས་སྨིག་རྒྱུར་བསྙེགས།། ཡང་དག་ལམ་ནི་འདི་ཡིན།
163b4 ཞེས།། ཚིག་དང་ཡི་གེས་མཚོན་དུ་མེད།། ཡང་དག་འདི་ཡིན་སྟོན་པ་ནི།། རྡོ་རྗེ་སེམས་དཔའ་ང་ཉིད་འཁྲུལ།། དག་པ་དང་ནི་མ་དག་པ།། ཡེ་ནས་གཉིས་མེད་འདྲེས་ཤིང་མཚུངས།། སེམས་ཉིད་ཀུན་གྱི་གནས
163b5 སུའོ།། དག་མ་དག་ནི་རྣམ་པ་ནི།། དབྱེར་མེད་ཡེ་ཤེས་གཏི་མུག་དང་།། ཐོགས་པ་མེད་པའི་ཡེ་ཤེས་ནི།། བསམ་པ་ཀུན་དང་བྲལ་བ་ཡིན།། ངང་གིས་མི་གཡོ་རྨུགས་པ་དེ།། ཏིང་འཛིན་དག་གི་རྒྱལ་པོར
163b6 གནས།། ཏིང་འཛིན་ཡེ་ཤེས་མངོན་སུམ་སྤྱན།། མཐོང་བས་དམིགས་པའི་ཡུལ་དང་བྲལ།། ཐམས་ཅད་མཁྱེན་པའི་སྤྱན་ཞེས་བྱ།། མཐའ་དང་དབུས་མེད་ཡངས་པ་ནི།། རང་བཞིན་ཆོས་ཀྱི་གཞལ་ཡས་སོ།། སྒྲོ་སྐུར
iiif viewer powered by OpenSeadragon
