| e-texts navigator |
| Wylie |
163a1 སེམས་གཞན་དུ་ཚོལ་བར་བྱེད།། དེས་ན་ངེས་པ་མེད་པ་ཡིན།། ཡེ་ཤེས་རང་བཞིན་མ་ངེས་པས།། ཡ་ན་རྣམ་པ་རེ་རེ་ལ།། གྲངས་དང་རྣམ་པའི་ཡེ་ཤེས་ཀྱིས།། སེམས་གཅིག་ཡུལ་ལ་སོ་སོར
163a2 རྟོགས།། དེས་ན་ཡེ་ཤེས་ངེས་པ་མེད།། ཅེས་གསུངས་སོ།། ངེས་པར་སྟོན་པའི་མདོར་བསྟན་པའི་ལེའུའོ།། །། དེ་ནས་ཡང་འདུས་པའི་ཚོགས་ཆེན་དེ་རྣམས་ལ། སེམས་དཔའ་ཆེན་པོ་དེས། ངེས་པའི་མདོ་དོན
163a3 གྱི་འགྲེལ་པ་འདི་གསུངས་སོ།། ཀྱེ་འདུས་པའི་ཚོགས་ཆེན་ད་ཉོན་ཅིག། སེམས་ལ་སྐྱེ་འཇིག་མེད་པས་ན།། དོན་ལ་བསྒོམ་དུ་མ་མཆིས་ཏེ།། སྙིང་པོ་བྱང་ཆུབ་སེམས་འདི་ལ།། ཏིང་འཛིན་བསམ་པའི་ཡུལ་ལས
163a4 འདས།། བརྗོད་དུ་མེད་པའི་ངཔལ་གནས།། དེ་ལྟར་སྙིང་པོ་བྱང་ཆུབ་སེམས།། སྟོན་པའི་སྒྲོན་མར་གྱུར་པས་ན།། སངས་རྒྱས་ཀུན་གྱིས་རབ་ཏུ་བསྔགས།། ཆོས་རྣམས་ཀུན་གྱི་སྙིང་པོ་བས།། མཁྱེན་རབ་འཇམ
163a5 དཔལ་གཞོན་ནུ་ཉིད།། བྱ་བྱེད་རྩོལ་བསྒྲུབ་མི་མངའ་བར།། བདེ་ཆེན་ཀློང་ན་ཇི་བཞིན་གནས།། ལམ་ལ་བགྲོད་དུ་མེད་པ་ནི།། ཚུལ་ཁྲིམས་སྡོམ་པ་དམ་ཚིག་དང་།། སྤྱོད་པ་རྒྱ་མཚོའི་གཞིར་གྱུར་ཀྱང་བས།། ཇི་སྙེད
163a6 རྣམ་པར་གྲོལ་བའི་ལམ།། དེ་ནི་བདེ་བར་གཤེགས་པའི་ཡུམ།། འགྲོ་བ་ཀུན་དང་མཚུངས་པའི་ལམ།། ཚུལ་ཁྲིམས་སྡོམ་པ་དེ་མེད་པས།། བདེ་གཤེགས་ཡུལ་ཡང་ཡོད་མ་ཡིན།། དེ་ཕྱིར་རྣམ་གྲོལ་མཆོག་གི
iiif viewer powered by OpenSeadragon
