| e-texts navigator |
| Wylie |
162a1 ཀྱིས་མེད།། གང་ཟག་དབང་པོ་རིམ་དགུ་ལ།། ཡུལ་དགུ་བྱུང་བས་རྣམ་པར་བགྲང་།། སེམས་ཉིད་རྫོགས་པ་ཆེན་པོ་ལ།། ཡུལ་ཞེས་བྱ་བ་སེམས་ཡིན་ཏེ།། སེམས་དང་ཡུལ་གཉིས་དབྱེ་རུ་མེད།། ཆོས
162a2 ཀུན་སེམས་སུ་འདུས་པའི་ཕྱིར།། སེམས་ཉིད་སྙིང་པོར་གཅིག་པ་སྟེ།། འདུས་མ་བྱས་པའི་སྙིང་པོ་ལ།། རྣམ་པ་བགྲང་དུ་ག་ལ་ཡོད།། སེམས་ལ་ངོ་བོ་མེད་པ་ནི།། དུས་གསུམ་སངས་རྒྱས་ཐམས་ཅད་ཀྱིས།། སེམས
162a3 ཀྱི་ངོ་བོ་འདི་ཡིན་ཞེས།། ཆེ་ཆུང་མཚན་མའི་ངོ་བོ་དང་།། དབྱིབས་དང་ཁ་དོག་སྤྱོད་ཡུལ་དུ།། སྟོན་པ་ང་ཡིས་བསྟན་པ་མེད།། ངོ་བོ་ཡོད་པར་མི་མཐོང་བས།། དེས་ན་ངོ་བོ་མེད་ཅེས་བྱ།། ཆོས་ཉིད་མཚོན་དུ་མེད་པ
162a4 ནི།། ཆོས་ཉིད་རང་བཞིན་སེམས་ཉིད་དེ།། སེམས་ཉིད་རང་བཞིན་ཆོས་ཉིད་ལ།། སེམས་ཉིད་བཅོས་པ་མེད་པ་ནི།། དེ་ལ་ཆོས་ཞེས་བཏགས་པ་ཡིན།། བཅོས་པ་མེད་པར་རང་རིག་པས།། དེ་ལ་སེམས་ཞེས
162a5 བཏགས་པ་ཡིན།། དེ་བཞིན་སེམས་ལ་དངོས་མེད་བཞིན།། ཆོས་ཉིད་དེ་ཡང་སེམས་ཡིན་པས།། སེམས་བཞིན་ཆོས་ལ་མཚོན་མེད་དོ།། སྒྲོ་སྐུར་གདགས་སུ་མེད་པ་ནི།། སེམས་ཉིད་རྫོགས་པ་ཆེན་པོ་ཡིས།། མེད
162a6 པ་བདུན་གྱི་རང་བཞིན་གྱིས།། ཆོས་ཀུན་སྒྲོ་དང་སྐུར་བྲལ་ཏེ།། ཡོད་པའི་སྒོ་དང་མེད་པའི་སྐུར།། ཚིག་དང་ཡི་གེར་བརྗོད་དང་བྲལ།། དེ་ལ་སྒྲོ་སྐུར་བྲལ་ཞེས་བྱ།། ངེས་པ་ལྔ་ནི་གང་ཞེ་ན།། དུས་ལས་ཁྱད་པར་མེད
iiif viewer powered by OpenSeadragon
