| e-texts navigator |
| Wylie |
160b1 མ་སྐྱེས་དག་དང་གཉིས་མེད་སྦྱོར།། སྐྱེ་བ་མེད་པའི་མཆོད་པ་ཕུལ་བ་ཡིན།། ཅེས་སྦྱོར་བའི་མན་ངག་གོ།། དུས་གསུམ་གཏན་ཚིགས་མན་ངག་ནི།། སྔ་མ་འདས་དང་ད་ལྟར་གནས་པ་དང་།། ཕྱི་མ་མ་འོངས་དུས
160b2 གསུམ་ཐ་སྙད་འདི།། གསུམ་དུ་མི་གནས་སྔ་ཕྱི་ཐ་སྙད་ཡིན།། ད་ལྟར་མི་གནས་སྔ་ཕྱི་སྐྱེ་འགག་མེད།། དུས་གསུམ་སྐྱེ་འགག་མེད་པའི་དོན་འདི་ནི།། སྔ་ཕྱི་མེད་པས་དུས་གསུམ་མཉམ་པར་སྦྱོར།། ཞེས་དུས་གསུམ
160b3 གྱི་མན་ངག་གོ།། ལུང་ཆེན་ཁུངས་ཀྱི་མན་ངག་ནི།། བཙལ་ན་འཆིང་བར་འགྱུར་བ་དེ་བས་ན།། ཐམས་ཅད་ཡོངས་སུ་རྫོགས་པའི་ལུང་འདི་ལས།། བཙལ་དུ་མེད་པ་དེ་ལས་བཙལ་འགྱུར་ན།། ཚེ་ཆད་པ་ཡིས་ནད
160b4 དེས་སྒྲིབ་པར་འགྱུར།། བྱ་རུ་མེད་པ་དེ་ལ་དེ་རྟོགས་ན།། ཆོས་ཉིད་ལ་ནི་ཆོས་ཉིད་འགྲུབ་པ་མེད།། ཅེས་གསུངས་སོ།། གཏན་ལ་འབེབས་པའི་མདོ་ཡི་འགྲེལ་པ་རྫོགས་སོ།། །། དེ་ནས་སེམས་དཔའ་ཆེན
160b5 པོ་དེས་འདུས་པའི་ཚོགས་རྣམས་ལ་ངེས་པར་བསྟན་པའི་མདོ་འདི་བསྟན་ཏེ་བློ་ངེས་པར་བཞག་གོ།། ཀྱེ་འདུས་པའི་ཚོགས་ཆེན་དེ་ཉོན་ཅིག། ངེས་པར་བསྟན་པའི་མདོ་འདི་ལས།། མེད་པའི་མན་ངག་རྣམ་པ
160b6 བརྒྱད།། ངེས་པ་ལྔ་དང་མ་ངེས་གསུམ།། བརྒྱད་པ་གཉིས་ཀྱི་མན་ངག་གིས།། ཁྱོད་བློ་ངེས་པར་གཞག་པར་བྱ།། དེ་ཡང་གང་དང་གང་ཞེ་ན།། སེམས་ལ་སྐྱེ་འཇིག་མེད་པ་དང་།། དོན་ལ་བསྒོམ་དུ་མེད་པ
iiif viewer powered by OpenSeadragon
