| e-texts navigator |
| Wylie |
15a1 བཞིན་ཉིད་དུ་ཆེན་པོ་ཞོག། དོན་གྱི་སྙིང་པོ་རྣལ་མ་བྱ་མེད་ལ།། ཡོངས་སུ་རྣལ་འབྱོར་རྣམས་ཀྱིས་མཐོང་བ་ནི།། དབྱིངས་ནི་སྙིང་པོ་རྣལ་མའི་རྒྱུར་མཐོང་ལ།། ཡེ་ཤེས་ཆེན་པོ་རྣལ་མའི་འབྲས་བུར
15a2 མཐོང་།། སྙིང་པོ་གཅིག་ལ་རྒྱུ་འབྲས་གཉིས་མཐོང་བས།། རྒྱུ་འབྲས་འདས་པའི་རྣལ་མ་མཐོང་བ་མེད།། མ་བཅོས་དེ་བཞིན་ཡོངས་སུ་རྣལ་འབྱོར་ཞོག། དོན་གྱི་སྙིང་པོ་རྣལ་མ་བྱ་མེད་ལ།། ཤིན་ཏུ་རྣལ་འབྱོར
15a3 རྫོགས་ཆེན་ལྷ་མཐོང་བ།། བྱང་ཆུབ་སེམས་ནི་ཀུན་གྱི་སྙིང་པོར་མཐོང་།། དེ་ཉིད་མ་བཅོས་དོན་གྱི་རྣལ་མར་མཐོང་།། ལྟ་བ་ཡེ་ནས་བསྒོམ་དུ་མེད་པར་གཞག། དམ་ཚིག་ཡེ་ནས་བསྲུང་དུ་མེད་པར་གཞག། ཕྲིན
15a4 ལས་ཡེ་ནས་བཙལ་དུ་མེད་པར་གཞག། བཞག་པས་དེ་བཞིན་ཉིད་ལ་རྣལ་དུ་འབྱོར།། རྣལ་འབྱོར་རྣམ་བཞི་ལྟ་བའི་བྱེ་བྲག་ནི།། ཡུལ་གཅིག་རེ་རེ་ལ་ཡང་བཞིར་དབྱེ་བ།། སེམས་དཔའི་རྣལ་འབྱོར་བྱེ་བྲག
15a5 བཞིར་དབྱེ་བ།། ཡུལ་དང་དབང་པོ་རྣམ་པར་མི་རྟོག་སེམས།། དེས་ན་སེམས་དཔའི་རྣལ་འབྱོར་ཉིད་དུ་བཤད།། བྱང་ཆུབ་བྱིན་རླབས་ཆོ་འཕྲུལ་འབྱིན་པ་ནི།། དེ་ནི་རྣལ་འབྱོར་ཆེན་པོ་ཞེས་སུ་བཤད།། ཕྱག་རྒྱ་ཆེན
15a6 པོ་བཞི་དང་ལྡན་པ་ནི།། ཡོངས་སུ་རྣལ་འབྱོར་ཞེས་སུ་བཤད་པ་ཡིན།། ཡེ་ཤེས་དམ་ཚིག་རང་བཞིན་མེད་ལྟ་བ།། ཤིན་ཏུ་རྣལ་འབྱོར་དགོངས་པར་སེམས་དཔའ་བཞེད།། བླང་དོར་མེད་པའི་རྣལ་འབྱོར་དེ་མ
iiif viewer powered by OpenSeadragon
