| e-texts navigator |
| Wylie |
159b1 མན་ངག་བཞིར་གཏན་ལ་ཕེབས་པའི་མདོའི་ལེའུའོ།། །། དེ་ནས་ཡང་སེམས་དཔའ་ཆེན་པོ་དེས། འདུས་པའི་ཚོགས་ལ་ལུང་གསུམ་མན་ངག་བཞིས་གཏན་ལ་ཕེབས་པའི་མདོ་དོན་གྱི་འགྲེལ་པ་འདི་གསུངས
159b2 སོ།། ཀྱེ་འདུས་པའི་ཚོགས་ཆེན་ད་ཉོན་ཅིག། སྙན་ཁུང་བརྒྱུད་པའི་ལུང་འདི་ནི།། གང་གི་ཇི་ལྟར་སྙན་ཁུང་གང་བརྒྱུད་པ།། ཀུན་བཟང་རྡོ་རྗེ་ཆོས་ཉིད་བགྲོད་མེད་དོ།། བགྲོད་དུ་མེད་པའི་དོན་ནི་དེ་ལྟར་ལ།། དེ
159b3 བཞིན་ཆོས་ཉིད་གཅིག་ཏུ་གནས་པའི་ཕྱིར།། གང་ཞིག་སུ་ཡང་རུང་བ་དེ་ལ་ནི།། ཆོས་ཉིད་བགྲོད་དུ་མེད་དེ་བསྟན་པ་དེ་ཡང་ཐོབ།། བྱང་ཆུབ་སེམས་ཀྱི་སྙིང་པོ་དེ་ཉིད་ནི།། ཆོས་ཀུན་འབྱུང་བའི་སྙིང་པོ་ཡིན་པས
159b4 ན།། སྤྲོས་དང་བྲལ་བའི་སྙིང་པོ་དེ་ལས་ནི།། ཆོས་ཉིད་སྤྲོས་བྲལ་དེ་བྱུང་ངོ་མཚར་ཆེ།། ཞེས་སྙན་ཁུང་བརྒྱུད་དོ།། གང་གིས་ཇི་ལྟར་མངོན་དུ་ཕྱུང་ཞེ་ན།། ཆོས་ཉིད་སེམས་ཉིད་མངོན་དུ་བསྟན་པ་ནི།། ཨ་དང་མཛེས
159b5 པའི་ཏ་ནི་ཆོས་སྐུར་བཤད།། སྙིང་པོ་བྱང་ཆུབ་སེམས་ནི་ཆོས་སྐུ་ལས།། ཆོ་འཕྲུལ་ཕུང་པོ་ལྔ་པོ་དག་དང་ནི།། རྣམ་ཤེས་བརྒྱད་ཀྱི་ཡན་ལག་སྤྲོས་པ་བཞིན།། ཁམས་གསུམ་འཇིག་རྟེན་ཡོངས་ཀྱི་སྤྱོད་ཡུལ་ལ།། ཉོན
159b6 མོངས་ལྔ་ནི་འདོད་ཡོན་རྣམ་པ་ལྔ།། དུས་གསུམ་སངས་རྒྱས་གསུང་གི་ཟབ་མོ་ནི།། སྐྱེ་བ་མེད་པའི་ཆོས་ཉིད་གཟུགས་སྒྲ་དྲི།། སྐྱེ་བ་མེད་པའི་ཟབ་མོ་སངས་རྒྱས་གསུངས།། ཞེས་བསྟན།། དེ་བཞིན་གཏན་ལ
iiif viewer powered by OpenSeadragon
