| e-texts navigator |
| Wylie |
159a1 པོ་འདི།། སྒྲོས་ཀྱིས་བཏགས་པ་ཀུན་དང་བྲལ།། ཞེས་བསྟན། སྦྱོར་བ་བྱར་མེད་མན་ངག་ནི།། བྱང་ཆུབ་སེམས་ཀྱི་སྐུ་མཆོག་འདིས།། ཆོས་ཀུན་ཡོངས་སུ་ཁྱབ་པའི་ཕྱིར།། གཅིག་དང་གཉིས་སུ་བྱར
159a2 མེད་པས།། དེ་ལ་གཉིས་ཀྱིས་སྦྱོར་བ་མེད།། ཆོས་ཀུན་སེམས་ལས་བྱུང་བའི་ཕྱིར།། ཆོས་སེམས་གཉིས་སུ་སྦྱར་དུ་མེད།། རྒྱུ་ལས་འབྲས་བུ་བཙལ་མེད་པས།། རྒྱུ་འབྲས་གཉིས་སུ་སྦྱར་དུ་མེད།། ཐབས་དང་ཤེས
159a3 རབ་ཡུལ་བྱུང་བས།། ཐབས་དང་ཤེས་རབ་སྦྱར་དུ་མེད།། ཡེ་ཤེས་རིག་ལ་དབྱིངས་གསལ་བས།། དབྱིངས་དང་ཡེ་ཤེས་སྦྱར་དུ་མེད།། དབང་པོ་དག་ལ་ཡུལ་སྣང་བས།། ཡུལ་དང་དབང་པོ་སྦྱར་དུ་མེད།། ཆོས་ཀུན
159a4 སེམས་སུ་གཅིག་པའི་ཕྱིར།། གཅིག་ལ་གཉིས་སྦྱར་མེད་པར་གསུང་།། ཞེས་བྱ། དུས་གསུམ་གཏན་ཚིགས་མན་ངག་ནི།། སེམས་ཉིད་རྫོགས་པ་ཆེན་པོ་འདི།། སྐྱེ་དང་འགག་པ་མེད་པས་ན།། དུས་གསུམ་མེད་པའི
159a5 གཏན་ཚིགས་ཏེ།། འདས་དང་མ་འོངས་ད་ལྟར་གྱི།། ཐ་སྙད་མིང་ལ་མི་གནས་ཏེ།། འདས་པའི་དུས་ལ་འགག་པ་མེད།། མ་འོངས་པ་ལ་སྐྱེ་བ་མེད།། ད་ལྟར་དུས་ཞེས་གནས་མེད་པས།། དུས་གསུམ་གཅིག་པའི
159a6 མན་ངག་གོ།། ཞེས་བསྟན། ལུང་ཆེན་ཁུངས་ཀྱི་མན་ངག་ནི།། སེམས་ཉིད་རྫོགས་པ་ཆེན་པོ་འདིས།། ཆོས་ཀུན་གཏན་ལ་འབེབས་པའི་ཕྱིར།། ལུང་ཆེན་ཁུངས་ཀྱི་མན་ངག་གོ།། ཞེས་གསུངས་སོ།། ལུང་གསུམ
iiif viewer powered by OpenSeadragon
