| e-texts navigator |
| Wylie |
158b1 དེ་ཉིད་ཀྱང་།། རྣམ་པ་བཞི་རུ་བགྲང་བར་བྱ།། གང་ཞིག་ཏིང་འཛིན་སྡོམ་གནས་ནས།། སྡོམ་དེ་ཡིད་ལ་གང་གནས་པ།། སེམས་ཀྱི་དེ་ཉིད་ཡིན་པར་བཤད།། ཏིང་འཛིན་ཆགས་པ་མེད་པ་ནི།། ཆོས་ཀྱི་དེ་ཉིད་ཡིན
158b2 པར་བཤད།། རིགས་དང་ཁ་དོག་སོ་སོར་གསལ།། ཡེ་ཤེས་དག་གི་དེ་ཉིད་ཡིན།། རིགས་བཞི་ཕྱག་རྒྱ་ཆེན་པོ་བཞི།། ངོ་བོ་དག་གི་དེ་ཉིད་ཡིན།། དེ་ཉིད་རྣམ་པ་བཅུ་དྲུག་ནི།། ལམ་གྱི་ལུང་དུ་ཤེས་པར་བྱ།། ངོ་བོ
158b3 བཞི་ཡི་མན་ངག་ལ།། བྱང་ཆུབ་སེམས་ཀྱི་མན་ངག་ནི།། དུས་གསུམ་སངས་རྒྱས་ཐམས་ཅད་དང་།། ཁམས་གསུམ་སེམས་ཅན་ཐམས་ཅད་ཀུན།། བྱང་ཆུབ་སེམས་ལས་ཀུན་འབྱུང་སྟེ།། སངས་རྒྱས་སྐུ་དང་ཡེ་ཤེས
158b4 དང་།། སེམས་ཅན་ལུས་དང་བག་ཆགས་དང་།། སྣང་ཞིང་སྲིད་པ་ཐམས་ཅད་ཀུན།། བྱང་ཆུབ་སེམས་ལ་བླང་དོར་མེད།། སངས་རྒྱས་ཡེ་ཤེས་ཐུགས་རྗེས་ཀྱང་།། དབྲི་བཀོལ་བླང་དོར་ཡོངས་མི་མངའ།། སེམས
158b5 ཅན་འགྲོ་བའི་སྡུག་བསྔལ་ཡང་།། བྱང་ཆུབ་སེམས་ཀྱི་རང་བཞིན་ཏེ།། སྣང་སྲིད་སྣོད་བཅུད་ཀུན་ལ་ཁྱབ།། གཉེན་པོ་དག་གིས་བསྐྱོད་དུ་མེད།། ནམ་མཁའི་མཐའ་ལྟར་མཉམ་པར་གནས།། དེ་ནི་སྙིང་པོ་བྱང་ཆུབ
158b6 སྟེ།། གཟུང་འཛིན་སྤྲོས་པ་ཀུན་དང་བྲལ།། སྒྲ་དང་ཐ་སྙད་རིལ་ལས་འདས།། ཚིག་དང་ཡི་གེར་བརྗོད་པ་མེད།། བསྟན་དུ་མཚན་མའི་དངོས་པོ་མེད།། མངོན་དུ་དམིགས་པའི་ཡུལ་དང་བྲལ།། རྒྱུ་ལས་མ་བྱུང་སྙིང
iiif viewer powered by OpenSeadragon
