| e-texts navigator |
| Wylie |
158a1 ནི།། བྱང་ཆུབ་སེམས་ཀྱི་དེ་ཉིད་དེ།། སེམས་དང་ཆོས་དང་ཡེ་ཤེས་དེ།། ངོ་བོ་དག་གི་དེ་ཉིད་དོ།། སྔོན་དང་ད་ལྟར་ཕྱི་མ་དང་།། དེ་དང་འདྲ་བ་ཀུན་གྱིའོ།། ཤིན་ཏུ་རྣལ་འབྱོར་དེ་ཉིད་ནི།། རྣམ་པ་བཞི
158a2 རུ་བགྲང་བར་བྱ།། སངས་རྒྱས་སེམས་ཅན་རྒྱུད་དྲུག་ཀུན།། མ་བཅོས་སེམས་ཀྱི་དེ་ཉིད་དེ།། སྣང་སྲིད་སྣོད་བཅུད་ཐམས་ཅད་ཀུན།། མ་བྱས་ཆོས་ནི་དེ་ཉིད་དོ།། དུས་གསུམ་བསྐྱོད་པ་མེད་པ་ནི།། མ་བསྒྲིབས་ཡེ
158a3 ཤེས་དེ་ཉིད་དོ།། ཐམས་ཅད་ཡོངས་སུ་རྫོགས་པ་ནི།། ངོ་བོ་དག་གི་དེ་ཉིད་དོ།། ཀུན་ཏུ་རྣལ་འབྱོར་དེ་ཉིད་ནི།། རྣམ་པ་བཞི་རུ་བགྲང་བར་བྱ།། ཆོས་དབྱིངས་ཇི་ལྟར་རིག་པ་དེ།། དེ་ནི་སེམས་ཀྱི་དེ་ཉིད
158a4 ཡིན།། དབྱིངས་ཉིད་ཅིར་ཡང་བཅོས་མེད་པས།། དེ་ནི་ཆོས་ཀྱི་དེ་ཉིད་ཡིན།། དབྱིངས་དང་ཡེ་ཤེས་གསལ་བ་ནི།། དེ་ནི་ཡེ་ཤེས་དེ་ཉིད་ཡིན།། དབྱིངས་དང་ཡེ་ཤེས་གཉིས་མེད་པས།། དེ་ནི་ངོ་བོ་དེ་ཉིད
158a5 ཡིན།། རྣལ་འབྱོར་ཆེན་པོའི་དེ་ཉིད་ཀྱང་།། རྣམ་པ་གཞི་རུ་ཤེས་པར་བྱ།། ཡི་གེ་ཧཱུཾ་ལ་སོགས་པ་ནི།། དེ་ལས་ཐམས་ཅད་བསྐྱེད་པ་ནི།། སེམས་ཀྱི་དེ་ཉིད་ཡིན་པར་བཤད།། ཕུང་པོ་འབྱུང་བ་རྣམ་ཤེས་ཡུལ།། སྣང
158a6 ལ་རང་བཞིན་མེད་པས་ནི།། ཡེ་ནས་ཆོས་ཉིད་དེ་ཉིད་ཡིན།། དེ་ལྟར་མ་བསྒྲིབས་གསལ་བ་ནི།། ཡེ་ཤེས་དག་གི་དེ་ཉིད་ཡིན།། བདག་ཉིད་ཆེན་པོ་གྲུབ་པ་ནི།། ངོ་བོ་དག་གི་དེ་ཉིད་དོ།། སེམས་དཔའི་རྣལ་འབྱོར
iiif viewer powered by OpenSeadragon
