| e-texts navigator |
| Wylie |
156a1 རྫོགས་པའི་སྐབས་ཞེས་བྱ།། ཆོས་ཀུན་རང་གི་སེམས་ལ་རྫོགས།། སེམས་ལ་གཟུང་འཛིན་མེད་པའི་ཕྱིར།། ཆགས་དང་བྲལ་བའི་སྐབས་ཞེས་བྱ།། ཆོས་ཀུན་བྱང་ཆུབ་སེམས་ལ་འདུས།། སེམས་ཉིད
156a2 ཡེ་ནས་ཆེ་བའི་ཕྱིར།། གདོད་ནས་ཆེ་བའི་སྐབས་ཞེས་བྱ།། ཆོས་ཀུན་བྱང་ཆུབ་སེམས་སུ་འདུས།། སེམས་ལ་སྐྱོན་ཡོན་མེད་པའི་ཕྱིར།། སྨོན་ལམ་བྲལ་བའི་སྐབས་ཞེས་བྱ།། ཆོས་ཀུན་བྱང་ཆུབ་སེམས་སུ
156a3 འདུས།། སེམས་ལ་ཐམས་ཅད་རྫོགས་པའི་ཕྱིར།། ལུང་ཆེན་སྟོན་པའི་སྐབས་ཞེས་བྱ།། ཆོས་ཀུན་བྱང་ཆུབ་སེམས་སུ་འདུས།། སེམས་ལ་བཟང་ངན་མེད་པའི་ཕྱིར།། མཉམ་པ་ཉིད་ཀྱི་སྐབས་ཞེས་བྱ།། ཆོས་ཀུན
156a4 བྱང་ཆུབ་སེམས་སུ་འདུས།། བླང་དོར་མེད་པར་མ་རྟོགས་ཕྱིར།། བདེ་བ་སྤང་བའི་སྐབས་ཞེས་བྱ།། ཆོས་ཀུན་བྱང་ཆུབ་སེམས་སུ་འདུས།། སེམས་ལ་བཙལ་དུ་མེད་པའི་ཕྱིར།། རྩོལ་དང་བྲལ་བའི་སྐབས་ཞེས
156a5 བྱ།། ཆོས་ཀུན་བྱང་ཆུབ་སེམས་སུ་འདུས།། སེམས་ལ་འགྱུར་བ་མེད་པའི་ཕྱིར།། ཆོས་ཉིད་མི་འགྱུར་སྐབས་ཞེས་བྱ།། ཆོས་ཀུན་བྱང་ཆུབ་སེམས་སུ་འདུས།། སེམས་ལ་གཉེན་པོ་མེད་པའི་ཕྱིར།། རྒྱུ་རྐྱེན་བྲལ་བའི
156a6 སྐབས་ཞེས་བྱ།། ཆོས་ཀུན་བྱང་ཆུབ་སེམས་སུ་གཅིག། རྒྱུད་དྲུག་སྙིང་པོ་སེམས་གཅིག་ཕྱིར།། འགྲོ་ཀུན་སངས་རྒྱས་སྐབས་ཞེས་བྱ།། ཆོས་ཀུན་བྱང་ཆུབ་སེམས་སུ་འདུས།། སེམས་ལ་ཚོགས་ཀུན་འདུས་པའི
iiif viewer powered by OpenSeadragon
