| e-texts navigator |
| Wylie |
14b1 ཤེས་ཡིན།། འབྱུང་ཆེན་ལྔ་ཡང་རྒྱུ་ལྔ་སྟེ།། ཀུན་གྱི་རྒྱུ་ལྔ་དེ་བཞིན་ཉིད།། ཐུགས་རྗེ་རང་འབྱུང་ཡེ་ཤེས་ལྔ། ཁམས་གསུམ་རྒྱུད་དྲུག་ཕྱུང་བ་ཡང་།། དེ་བཞིན་ཉིད་ཀྱི་ངོ་བོར་བཤད།། དེ་བཞིན་ཉིད་ཀྱི་རང་བཞིན
14b2 ཏེ།། ངོ་བོ་གཉིས་སུ་མེད་པ་སྟེ།། རང་བཞིན་གཅིག་ཏུ་གནས་པ་ལ།། རྣལ་འབྱོར་བཞག་པ་བཞི་ཕྱུང་བ།། རྣལ་འབྱོར་རྣམ་པ་བཞི་ལས་བྱུང་།། ཀྱེ་སེམས་དཔའ་ཆེན་པོ་ཉོན་ཅིག། ཀུན་གྱི་སྙིང་པོ་བྱང་ཆུབ་སེམས
14b3 འདི་ནི། ཆོས་རྣམས་ཀུན་གྱི་རྣལ་མའི་ངོ་བོ་སྟེ།། ཇི་བཞིན་དེ་བཞིན་ཉིད་དུ་ཡེ་ནས་གནས།། ཤིན་ཏུ་རྣལ་འབྱོར་ཡོངས་སུ་རྣལ་འབྱོར་དང་།། རྣལ་འབྱོར་ཆེན་པོ་སེམས་དཔའི་རྣལ་འབྱོར་བཞིས།། སྙིང་པོ་དོན་གྱི
14b4 རྣལ་མ་བྱ་མེད་ལ།། བལྟས་པས་མཐོང་བའི་ཡུལ་ནི་རྣམ་པ་བཞི།། སེམས་དཔའི་རྣལ་འབྱོར་ཡུལ་དང་དབང་པོར་མཐོང་།། བྱང་ཆུབ་ལྔ་དང་ཆོ་འཕྲུལ་རྣམ་པ་བཞིས།། བྱིན་གྱིས་བརླབས་ནས་སེམས་དཔའི་ལྷ
14b5 གཉིས་ལྷ།། སྙིང་པོ་དོན་གྱི་རྣལ་མ་མཐོང་བ་མེད།། མ་བཅོས་དེ་བཞིན་ཉིད་དུ་སེམས་དཔའ་ཞོག། དོན་གྱི་སྙིང་པོ་རྣལ་མ་བྱ་མེད་ལ།། རྣལ་འབྱོར་ཆེན་པོ་རྣམས་ཀྱིས་མཐོང་བ་ནི།། ཡེ་ནས་རང་རྒྱུད་དག་པའི
14b6 དཀྱིལ་འཁོར་ལ།། རྒྱུ་ལས་འབྲས་བུ་ལྷ་ཡི་དཀྱིལ་འཁོར་ཏེ།། བསྙེན་བསྒྲུབ་བཞི་ཡི་ཡན་ལག་རྫོགས་བྱས་ནས།། འཕྲོ་འདུ་བདག་ཉིད་ལྷུན་གྱིས་གྲུབ་པར་ལྟ།། དོན་གྱི་སྙིང་པོ་རྣལ་མ་མཐོང་བ་མེད།། མ་བཅོས་དེ
iiif viewer powered by OpenSeadragon
