| e-texts navigator |
| Wylie |
13b1 འདས།། བྱ་མེད་བདེ་བ་སྤོང་བྱེད་པ།། མི་རྩོལ་བདེ་བའི་ལུང་བསྟན་བཀོད།། བསྐལ་པ་གསུམ་དང་མི་ཚེ་བདུན།། ཟླ་དྲུག་ལོ་གཅིག་ཟླ་བཅུ་དྲུག། རྩོལ་བར་བྱེད་པའི་ཐེག་པ་ཅན།། བྱ་མེད་ངོ་བོ་འདི་བསྟན
13b2 པས།། མི་རྩོལ་ལྷུན་གྲུབ་བདེ་ལ་གནས།། འདི་ལ་མ་རྫོགས་གང་ཡང་མེད།། གཅིག་རྫོགས་གཉིས་རྫོགས་ཀུན་རྫོགས་པས།། བྱ་བ་ཕུན་སུམ་ཚོགས་པར་བདེ།། གཅིག་རྫོགས་བྱང་ཆུབ་སེམས་སུ་རྫོགས།། གཉིས
13b3 རྫོགས་སེམས་ཀྱིས་བྱས་པར་རྫོགས། ཀུན་རྫོགས་ཕུན་སུམ་ཚོགས་པར་རྫོགས།། གཅིག་ལ་རྫོགས་པའི་ལུང་འདི་ཡིས།། སངས་རྒྱས་དགོངས་པ་འདི་ལ་གནས། ཀུན་རྫོགས་པ་ཡི་དོན་འདི་ཡིས།། ཐམས་ཅད
13b4 ཕུན་སུམ་ཚོགས་པར་བྱེད།། བྱ་མེད་འདི་ལ་གང་གནས་པ།། ལུས་འདི་གང་ཟག་ལྷ་མི་ཡང་།། དགོངས་པ་ཆོས་ཉིད་སངས་རྒྱས་ཡིན།། འདི་ཡིས་སེམས་ཅན་དོན་བྱས་ན།། རྩོལ་སྒྲུབ་མི་བྱེད་བདེ་བར
13b5 འགྱུར།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་རྣམ་གྲངས་བསྡུས་པའི་ལེའུ་སྟེ་བདུན་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་བྱས་པའི་ཆོས་ཐམསས་ཅད་དེ
13b6 བཞིན་ཉིད་དུ་གཅིག་པ་ལས་དེ་བཞིན་ཉིད་ལ་རང་བཞིན་གསུམ་སྣང་བར་འགྱུར་བ་དེ་སོ་སོར་སྣང་བ་འདི་གསུངས་སོ།། ཀྱེ་སེམས་དཔའ་ཆེན་པོ།། ང་ཡི་དེ་བཞིན་ཉིད་གཅིག་ནི།། ཕུན་སུམ་ཚོགས་པ་གསུམ
iiif viewer powered by OpenSeadragon
