| e-texts navigator |
| Wylie |
13a1 པ།། ཡུལ་དྲུག་ཆོས་ལ་མི་རྟོག་པས།། སྐྱེ་དྲུག་གནས་སུ་མི་སྐྱེ་སྟེ།། སྡུག་བསྔལ་དྲུག་ལས་འདས་པའི་ཕྱིར།། མྱ་ངན་འདས་ཞེས་དེ་ལ་བྱ།། ཇི་བཞིན་སྙིང་པོ་བྱང་ཆུབ་ལས།། མ་བཙལ་རང་བཞིན
13a2 ཤར་བ་ཡི།། འབྱུང་བ་ཆེན་པོ་ལྔ་པོ་ཡང་།། རང་གི་མཚན་ཉིད་རང་འཛིན་ལ།། ཐམས་ཅད་སྙིང་པོ་བྱང་ཆུབ་ཀྱང་།། དམིགས་སུ་མེད་པའི་ངོ་བོ་འཛིན།། མཚན་ཉིད་མཚན་ཉིད་ཞེས་སུ་བཤད།། རང་བཞིན་ཤར
13a3 བའི་ཆེན་པོ་ལྔས།། ཆོས་ཀུན་བསྐྱེད་པའི་སྙིང་པོ་ཡིན།། དེ་ཡིས་བསྐྱེད་པའི་སེམས་ཅན་རྣམས།། རང་འབྱུང་ཡིན་པར་མི་རྟོགས་པར།། སྤྱོད་པའི་ལམ་དེ་རྒྱུར་བལྟས་ནས།། རྒྱུ་ལས་འབྲས་བུ་འབྱུང་འདོད
13a4 པས།། རྒྱུ་ཞེས་མིང་དུ་བཏགས་པ་ཡིན།། འབྲས་བུ་གང་ཐོབ་ཐེག་པར་བཤད།། སྤོང་འགེགས་སྦྱོང་བ་རྣམས་སུ་བསྟན།། འབྲས་བུ་ཞེས་སུ་བཏགས་པ་ནི།། སྙིང་པོ་རྒྱུ་ལས་འབྲས་བུར་བཤད།། སྙིང་པོའི་རང
13a5 བཞིན་དེ་ལ་ནི།། སྐྱེ་འཇིག་མེད་པའི་རང་བཞིན་ལ།། རྡོ་རྗེ་ཞེས་སུ་བཤད་པ་ཡིན།། རྡོ་རྗེ་དེ་སྒྲུབ་ཕྱི་པ་གཉིས།། སྐུ་དང་གསུང་ཐུགས་ཡེ་ཤེས་ནི།། བླང་དོར་བྱས་པའི་སྒོ་ནས་ནི།། ཆུ་ཟླ་བཞིན་དུ་གྲུབ་པར
13a6 འདོད།། བླང་དོར་མེད་པའི་ནང་པ་ནི།། རིམ་པ་གསུམ་དང་སྙིང་པོ་ཡིས།། བདག་ཉིད་དབྱིངས་དང་ཡེ་ཤེས་ལྟ།། གང་ལའང་མི་བརྟེན་བྱ་མེད་འདི།། ཀུན་གྱི་སྙིང་པོར་གྱུར་པས་ན།། བྱ་བ་མེད་པའི་ཕྲིན་ལས
iiif viewer powered by OpenSeadragon
