| e-texts navigator |
| Wylie |
137b1 ལྔས།། ཐམས་ཅད་སྐྱེད་པར་བྱེད་པས་ན།། འབྱུང་གནས་ཀུན་ལས་ཁྱད་པར་འཕགས།། དེས་ན་ཆོས་དབྱིངས་ཆེ་བར་བསྟན།། བདག་ཉིད་སངས་རྒྱས་ཆེ་བ་ནི།། བདག་ཉིད་ལྔ་རུ་ཤེས་པར་བྱ།། ཕུང་པོ་འབྱུང་བ
137b2 རྣམ་ཤེས་ཡུལ།། རང་ལས་འབྱུང་བའི་ཆོས་ཡིན་ཏེ།། རྩོལ་བསྒྲུབ་འདས་ཏེ་རང་ལ་རྫོགས།། འབྱུང་བ་ལྔ་ཡི་སངས་རྒྱས་ནི།། ཆོས་ཉིད་རང་གི་བྱང་ཆུབ་སེམས།། གཟུང་འཛིན་བྲལ་བའི་ཁྱད་པར་གྱིས།། བཙལ་དུ
137b3 མེད་པའི་བདག་ཉིད་ཆེ།། ཕུང་པོ་ལྔ་ནི་རིགས་ལྔ་རུ།། རྩོལ་བསྒྲུབ་འདས་ཏེ་རང་ལ་རྫོགས།། ལྷུན་གྱིས་གྲུབ་པའི་ཁྱད་པར་གྱིས།། བཙལ་དུ་མེད་པའི་བདག་ཉིད་ཆེ།། རྣམ་ཤེས་བརྒྱད་ནི་སེམས་དཔའ་རུ།། རྩོལ
137b4 བསྒྲུབ་འདས་ཏེ་རང་ལ་རྫོགས།། སེམས་སུ་འདུས་པ་དམ་པ་སྟེ།། བཙལ་དུ་མེད་པའི་ཁྱད་པར་གྱིས།། བསྒྲུབ་ཏུ་མེད་པས་བདག་ཉིད་ཆེ།། རྣམ་ཤེས་བརྒྱད་ཀྱི་ཡུལ་བརྒྱད་ནི།། སེམས་མ་བརྒྱད་དུ་རང་ལ
137b5 རྫོགས།། རྟོག་དང་བྲལ་བའི་ཁྱད་པར་གྱིས།། སྦྲང་དུ་མེད་པས་བདག་ཉིད་ཆེ།། རང་ལས་བྱུང་བའི་ཆོས་རྣམས་ནི།། དམིགས་པ་མེད་པའི་བྱང་ཆུབ་སེམས།། མི་དམིགས་པ་ཡིས་ཁྱད་པར་གྱིས།། བགྲོད་དུ་མེད
137b6 པའི་བདག་ཉིད་ཆེ།། དེས་ན་བདག་ཉིད་ཆེ་བར་བཤད།། དེ་ཡིན་སངས་རྒྱས་ཆེ་བ་ནི།། དཔེ་དང་དོན་དང་རྟགས་དང་ནི།། ངེས་པ་དང་ནི་གཏན་ཚིགས་ལྔ།། ཁྱད་པར་ལྔ་ཡི་ཡིན་པ་ལྔའོ།། ཆོས་རྣམས་ཐམས་ཅད
iiif viewer powered by OpenSeadragon
