| e-texts navigator |
| Wylie |
136a1 གའི་ཆེ་བར་བཤད།། ཆོས་དབྱིངས་སངས་རྒྱས་ཆེ་བ་ནི།། ཐམས་ཅད་འབྱུང་བའི་བྱང་ཆུབ་སེམས།། འབྱུང་གནས་ཀུན་ལས་ཁྱད་པར་འཕགས།། ཨ་ནུ་ཡོ་གའི་ཆེ་བར་བཤད།། བདག་ཉིད་སངས
136a2 རྒྱས་ཆེ་བ་ནི།། ལྷུན་གྱིས་གྲུབ་པའི་བྱང་ཆུབ་སེམས།། རྩོལ་ཞིང་བསྒྲུབ་ལས་ཁྱད་པར་འཕགས།། མ་ཧཱ་ཡོ་གའི་ཆེ་བར་བཤད།། དེ་ཡིན་སངས་རྒྱས་ཆེ་བ་ནི།། མ་ནོར་བ་ཡི་བྱང་ཆུབ་སེམས།། གཏན་ཚིགས་ཀུན
136a3 ལས་ཁྱད་པར་འཕགས།། ཡོ་ག་དག་གིས་ཆེ་བར་བཤད།། ཐམས་ཅད་སངས་རྒྱས་ཆེ་བ་ནི།། སྒྲོ་སྐུར་འདས་པའི་བྱང་ཆུབ་སེམས།། བསམ་སྦྱོར་ཀུན་ལས་ཁྱད་པར་འཕགས།། ལ་ཟློས་པ་ཡི་ཆེ་བར་བཤད།། ཁྱད
136a4 པར་འཕགས་པ་རྣམ་པ་ལྔ།། ཆེ་བ་རྣམ་པ་ལྔ་བསྟན་ཏེ།། སྟོན་པ་བསྟན་པ་འཁོར་གནས་དུས།། ཕུན་སུམ་ཚོགས་པ་རྣམ་པ་ལྔས།། སྐྱེ་འགག་མེད་པའི་ཁྱད་པར་གྱིས།། སྣང་སྲིད་ཀུན་ལས་ཁྱད་པར
136a5 འཕགས།། མངོན་པར་སངས་རྒྱས་ཡིན་པར་བཤད།། བྱང་ཆུབ་སེམས་པའི་འབྱུང་ཆེན་ལྔ།། ནམ་མཁའ་ས་ཆུ་མེ་རླུང་སེམས།། ཐམས་ཅད་འབྱུང་བའི་རང་བཞིན་གྱིས།། འབྱུང་གནས་ཀུན་ལས་ཁྱད་པར
136a6 འཕགས།། ཆོས་དབྱིངས་སངས་རྒྱས་ཡིན་པར་བཤད།། བདག་ཉིད་སངས་རྒྱས་ཆེ་བ་ནི།། ཕུང་པོ་འབྱུང་བའི་རྣམ་ཤེས་ཡུལ།། རང་ལས་བྱུང་བའི་ཆོས་ཡིན་ཏེ།། གཞན་ལ་མི་ལྟོས་རང་བཞིན་གྱིས།། རྩོལ་བསྒྲུབ
iiif viewer powered by OpenSeadragon
