| e-texts navigator |
| Wylie |
135b1 གཅིག་དགུས།། ཀུན་གྱི་སྒོ་ནས་ཞུགས་ནས་བསྒོམ་པ་ཡང་།། སྐུ་མདོག་ཕྱག་མཚན་ཕྱག་རྒྱ་རྫོགས་པ་རུ།། སྐུ་ཡི་ཆ་ལུགས་ཡིད་ལ་ཏིང་འཛིན་བསྒོམ།། ཆུ་ཟླ་བཞིན་དུ་གསལ་བ་ཡིས།། གཟུང་འཛིན་མཚན་མ་དག
135b2 གིས་ཚུར་མ་གོས།། ཡེ་ཤེས་སེམས་དཔའ་དག་ལ་བདག་མ་ཆགས།། ཆགས་པ་མེད་པ་ཅི་ལྟར་འབྱུང་འགྱུར་ཡང་།། དཔེར་ན་བྱིས་པས་འདག་ཁང་བརྩེགས་པ་བཞིན།། ཡང་བསྒོམ་ཡང་བཤིག་འདག་ཁང་བཤིག།
135b3 པ་འདྲ།། ཞེས་གསུངས་སོ།། བྱེ་བྲག་འབྱེད་པའི་མདོ་ལས། ཡོ་ག་རྣམ་པ་བཞིའི་དོན་གྱི་འགྲེལ་པ་བྱེ་བྲག་འབྱེད་པའི་མདོ་རྫོགས་སོ།། །། དེ་ནས་ཡང་སེམས་དཔའ་ཆེན་པོ་དེས། འདུས་པའི་ཚོགས་ལ་ཁྱད་པར
135b4 འཕགས་པའི་མདོ་འདི་བསྟན་ཏོ།། ཀྱེ་འདུས་པའི་ཚོགས་ཆེན་ད་ཉོན་ཅིག། ཁྱད་པར་འཕགས་པའི་དོན་འདི་ལས།། ཁྱད་པར་འཕགས་པའི་ཆེ་ལྔ་རུ།། ཆོས་རྣམས་ཐམས་ཅད་འདུས་པར་བཤད།། ཁྱད་པར
135b5 འཕགས་པའི་ཚེ་ལྔ་ནི།། མངོན་པར་སངས་རྒྱས་ཆེ་བ་དང་།། ཆོས་དབྱིངས་སངས་རྒྱས་ཆེ་བ་དང་།། བདག་ཉིད་སངས་རྒྱས་ཆེ་བ་དང་།། དེ་ཡིན་སངས་རྒྱས་ཆེ་བ་དང་།། ཐམས་ཅད་སངས་རྒྱས་ཆེ་བའོ།། དེ་ཡང་ཇི
135b6 ལྟར་འཕགས་ཞེ་ན།། ཆེ་བ་ལྔ་ཡི་བྱང་ཆུབ་སེམས།། སེམས་ཉིད་ཆེ་བ་ལྔས་འཕགས་ཏེ།། མངོན་པར་སངས་རྒྱས་ཆེ་བ་ནི།། འདུས་མ་བྱས་པའི་བྱང་ཆུབ་སེམས།། སྣང་སྲིད་ཀུན་ལས་ཁྱད་པར་འཕགས།། ཨ་ཏི་ཡོ
iiif viewer powered by OpenSeadragon
